Jehová techititia ika techtlasojtla ijkuak techmelajkatlalia

Ijkuak techmelajkatlaliaj techmachtiaj, san ika, noijki texchikajkanotsaj. Ijkuak techmelajkatlaliskej, kanaj uelis texchikajkanotsaskej, san ika, noijki uelis techmachtiskej. Jehová techmelajkatlalia pampa kineki matikueyichiuakan ken yejua kuelita (Ro 12:1; Heb 12:10, 11). Kemantika, ijkuak techmelajkatlaliaj uelis toyolkokoskej, san ika, tla tokauiliaj matechmelajkatlalikan, timelajkanemiskej niman toTajtsin techteochiuas (Pr 10:7). ¿Tlenon xnoneki kilkauaskej akin temelajkatlaliaj niman akin kinmelajkatlaliaj?

Akin temelajkatlaliaj. Tlayekankej, tajtin niman oksekimej, noneki temelajkatlaliskej ika tlasojtlalistli ijkon ken Jehová kichiua (Jer 46:28). Ijkon noneki kichiuaskej maski chikauak temelajkatlaliskej (Tit 1:13).

Akin kinmelajkatlaliaj. Maski san kenon matechmelajkatlalikan, noneki nimantsin tikchiuaskej tlen techijliaj (Pr 3:11, 12). Pampa titlajtlakolejkej, tinochimej noneki matechmelajkatlalikan. Uelis tomelajkatlaliskej ika tlen tomachtiaj ipan Biblia niman ika tlen tijkakij ipan tlanechikoltin. Noso kemantika kanaj nonekis matexchiuilikan se comité. Tla tokauiliaj matechmelajkatlalikan niman tla tikchiuaj tlen techijliaj, uelis nochipa tinemiskej (Pr 10:17).

XKITAKAN VIDEO JEHOVÁ KICHIKAJKANOTSA AKIN KITLASOJTLA, SAKIN XNANKILIKAN YEJUIN:

• 

  ¿Kenon okiskaltijkej Canon, niman tlenon ipan onochiuj sakin?

• 

  ¿Kenon okimelajkatlali Jehová?

• 

  ¿Tlenon techmachtia tlen ipan onochiuj Canon?