MELAK XYOLPAKI IJKUAK TITENOJNOTSA | XMOMACHTI MELAK KUAJLI XTENOJNOTSA
Nochipa xtemachti ika nochi moyojlo
Tla tejuamej tiyolpakij, oksekimej noijki uelis yolpakiskej niman kinekiskej techkakiskej. Noijki, tla tiyolpakij tikteititiaj ika tikpatiojkaitaj tlen tikteijliaj. Maski san kanon tiualeuaj noso san kenon otechiskaltijkej, tinochimej uelis tiyolpakiskej (Ro 12:11). ¿Kenon uelis tiyolpakiskej?
Kachtopa, xkilnamiki ika tlen tikteijlia melak ueyi kijtosneki. Tejua tikchiua se kualtsin tekitl: tikteijlia kuajli tlajtojli (Ro 10:15). Ika ome, xnemili kenon yejon kuajli tlajtojli melak kipaleuiya akin kikaki. Tlaltikpakchanejkej yemelak noneki kikakiskej iTlajtol toTajtsin (Ro 10:13, 14). Sa ika tlami, manesi ika melak tiyolpaki.
XKITAKAN VIDEO MELAK TEYOLPAKTI IJKUAK TITEMACHTIAJ. MATOMACHTIKAN MÁS KUAJLI MATITENOJNOTSAKAN: NOCHIPA MATITEMACHTIKAN IKA NOCHI TOYOJLO, SAKIN XNANKILIKAN YEJUIN:
¿Tleka Rita xok más kinekiya kimachtis Coral?
¿Tlenon okipaleui Rita oksejpa makineki kimachtis Coral?
Tla tejuamej tiyolpakij, oksekimej noijki uelis yolpakiskej.
¿Tleka noneki tikitaskej tlen kuajli kichiuaj akin techkakij?
Tla tejuamej tiyolpakij, ¿kenon uelis kinpaleuis akin tikinmachtiaj niman oksekimej?