MATINEMIKAN KEN CRISTO
Nochipa matikmachtikan totlamachilis
Ijkon ken se tlakatl noso se siuatl melak nomajmachtia pampa kineki makojtito itlalnakayo, tejuamej noijki noneki kuajli tikmajmachtiskej totlamachilis para matechpaleui matikasikamatikan “on tlen kuajli niman on tlen xkuajli” (Heb 5:14). Maski kemantika san tikuelitaj tikchiuaskej tlen oksekimej kichiuaj, maka matikilkauakan ika tejuamej noneki tiknemiliskej niman tiktlapejpeniskej tlen tikchiuaskej. ¿Tleka? Pampa Romanos 14:12 kijtoua: “Cada se de tejuamej ika onkaj tikijliskej Dios nochi tlen kuajli niman on tlen xkuajli otikchijkej”.
Maka matiknemilikan ika pampa yotiuejkaujkej ika otoapolaktijkej nochipa tiktlapejpeniskej tlen kuajli. Tla tejuamej tiknekij kuajli tiktlapejpeniskej tlen tikchiuaskej, noneki titlaneltokaskej itech Jehová, itech iTlajtoltsin niman itech ikalpan (Jos 1:7, 8; Pr 3:5, 6; Mt 24:45).
XKITAKAN VIDEO XMACHTIKAN NEMOTLAMACHILIS, SAKIN XNANKILIKAN YEJUIN:
¿Tlenon nonekiya kitlapejpenis Emma?
Ijkuak yakaj noneki kitlapejpenis tlen kichiuas, ¿tleka xnoneki tikijliskej tlen san tejuamej tikuajnemiliaj?
¿Kenon sekimej tokniuan okipaleuijkej Emma?
¿Kanon okinexti Emma tlen kinekiya kasikamatis?