MATINEMIKAN KEN CRISTO
Telpokamej niman ichpokamej, kuajli xtlajtokan iuan nemotajuan
¿Tleka noneki tikimijlis motajuan tlen tiknemilia? (Pr 23:26). Pampa Jehová yokinnauati mamitsyekanakan niman mamitstlajpiyakan (Sl 127:3, 4). Yejuamej xuelis mitspaleuiskej tla xtikimijlia tlenon mitsajmana noso tlenon tikneki. Niman noijki xuelis tikmatis tlenon yejuamej yokinpaleui ipan innemilis. San ika ¿yemelak noneki nochi tikimijlis? Ka. San maka xkimiyanili tlen yejuamej noneki kimatiskej (Pr 3:32).
¿Kenon uelis titlajtos iuan motajuan? Xchiua ijkuak tikitas ika tejua niman yejuamej uelis nentlajtoskej. Noijki, uelis tikimijkuilouilis se carta kampa tikimijlis nochi tlen tikmachilia. Niman ¿tla motajuan kinekij tlajtoskej itech itlaj tlen tejua xtikneki? Xkilnamiki ika yejuamej kinekij mitspaleuiskej. Xkimita motajuan ken moamigos, maka ken motlauelikniuan. Tla timokojtilia titlajtos iuan motajuan, mitspaleuis ipan nochi monemilis (Pr 4:10-12).
XKITAKAN VIDEO IJKUAK SE TELPOCHTLI: KENON TIMONOJNOTSAS IMIUAN MOTAJUAN, SAKIN XNANKILIKAN YEJUIN:
¿Tlenon kichiuayaj Esther niman Partik?
¿Tlenon tiueli itech tlen Jesús okichiuj?
¿Kenon yomitsititijkej motajuan ika mitstlasojtlaj?
Motajuan kinekij nochipa xnemi ika moyojlo.
¿Katlejua textos mitspaleuiskej xtlajto iuan motajuan?