Chikauak titenojnotsaskej septiembre para tikintejtemoskej akin kinekij nomachtiskej

Yejuin septiembre chikauak titenojnotsaskej. ¿Tleka? Pampa nochimej tiknekij tikimijliskej tla kinekij nomachtiskej Biblia ika folleto ¡Nochipa uelis tiyolpakis! Niman ipan yejon metstli, akin nochiuaskej precursores auxiliares, san uelis kajxiltiskej 30 horas. Kuakon, xnemili tla tejua uelis timochiuas precursor auxiliar. Matikitakan kenon titenojnotsaskej.

• Ijkuak kachtopa tontetlajpalos. Ijkuak peuas yakaj tiknojnotsas, xtekitilti tlen uajlauj ikuitlapan folleto niman xkijli kenon titemachtiaj. Noijki ijkon xkimijli akin itikomintlajpaloua niman akin kuajli yomitskakkaj. Kanaj ijkuak kitaskej yejuin yenkuik folleto niman ijkuak tikimijliskej kenon titemachtiaj, kinekiskej nomachtiskej. Yejuin folletos xtikinkajteuaskej kampa xakaj nemi nion xtikintitlaniliskej ika carta akin xmás kinekij techkakiskej. Ipan yejon metstli, tlayekankej uelis kijtoskej tlen tonaltin uelis más titenojnotsaskej.

• ¿Kanon uelis noijki tiktemakaskej yejuin folleto? Tla motlanechikol tenojnotsa ika carritos, ompa notlalis folleto ¡Nochipa uelis tiyolpakis! Tla yakaj kineki kitkis yejon folleto, xkijli ika uelis konmachtiskej ichan. Noijki xkititi kenon titemachtiaj, san ika, tla ijsiui, xtlajtolti kemanon uelis tikititis. Tlayekanketl itech tenojnotsalistli uelis kimijlis sekimej tokniuan matetlajtoltitij kampa tlanemakalo tla yakaj kineki nomachtis. Tejua noijki uelis tikintlajtoltis akin imiuan titekiti noso yakaj okse, tla kinekij nomachtiskej itech Biblia.

Jesús okijto matikinmachtikan tlaltikpakchanejkej niman matikinapolaktikan (Mt 28:19, 20, TNM). Ika yejon, ipan metstli septiembre tiknekij chikauak titenojnotsaskej ika folleto ¡Nochipa uelis tiyolpakis! pampa tiknekij tiktlakamatiskej Jesús.