TLEN TEPALEUI ITECH ITLAJTOL TOTAJTSIN

Kuajli xkita akinon iuan timonamiktis

Salomón xokipix itlamachilis ijkuak ononamikti imiuan siuamej akin kinueyichiuayaj tajtsitsintin (1Re 11:1, 2; w18.07 18 párr. 7).

Isiuauan Salomón okitlamachilispolojkej pampa noijki opeuj kinueyichiua tajtsitsintin (1Re 11:3-6; w19.01 15 párr. 6).

Salomón melak okikualani Jehová (1Re 11:9, 10; w18.07 18 párr. 9).

Tlaixkopinaltin: Se tokniuj ichpochtli nomachtijtika Biblia niman tlanemilijtika itech se tokniuj telpochtli. 1. Tokniuj telpochtli tlanankilijtika ipan se tlanechikojli. 2. Tokniuj telpochtli tenojnotstika ipan carrito. 3. Tokniuj telpochtli tlayektlalijtika ipan Kajli kampa tosentlaliaj.

Biblia kimijlia akin xinonamiktiaj ika tla nonamiktiaj, manonamiktikan “iuan se yejuan kineltoka toTEKO” (1Co 7:39). San ika, xkilnamikikan ika maski tla se yonoapolakti, xkijtosneki tla yes se kuajli teueuentsin noso tesiuauj. Ika yejon, xmotlajtolti: “¿Nechpaleuis más maniktekichiuili Jehová? ¿Youejkauj kiteititia ika yemelak kitlasojtla Jehová?”. Achto tikijlis yakaj ika tikneki iuan timonamiktis, kachtopa kuajli xkixmati.