Matikneltokakan ika Jehová techmakas tlen ika topanoltiskej

Tikixnamikij miyek tlen ouijtika pampa itinemij ipan itlamiyan tonaltin. Niman pampa inonisiuijtiuj ijkuak tlapopoliuis, más tikpiyaskej tlauejli. Niman kanaj hasta xtikpiyaskej seki tlen ika topanoltiskej (Hab 3:16-18). ¿Tlenon techpaleuis matitlaxikokan? Tla tikneltokaj ika toTajtsin Jehová techmakas tlen ika topanoltiskej. Jehová yokijto ika kintlajpiyas akin kuajli imiuan nouika niman ika maski san kemanon kinmakas tlen ika nopanoltiskej (Sl 37:18, 19; Heb 13:5, 6).

¿Tlenon uelis tikchiuas?

• Xtlajtlanili Jehová mamitsyekana niman mamitsmaka tlamachilistli niman mamitspaleui (Sl 62:8).

• Xchiua tekitl tlen xkeman tikchiuaya (g-S 1/10 8, 9, recuadros).

• Nochipa xchiua tlen más noneki: mojmostla xpoua moBiblia, xuiya tlanechikoltin niman xtenojnotsa.

XKITAKAN VIDEO MATIKCHIJCHIUAKAN SE KAJLI TLEN MATLAXIKO: MATIPAKIKAN IKA TLEN TIKPIYAJ, SAKIN XNANKILIKAN YEJUIN:

• ¿Tlenon okixnamijkej familias akin ouajneskej ipan video?

• ¿Tlenon más noneki tikchiuaskej?

• ¿Kenon uelis tikinpaleuiskej akin xmás kipiyaj tlen ika nopanoltiskej?