¡Tichantisnekij ipan se kualtsin tlaltikpaktli!
António Guterres akin tekiti ipan Naciones Unidas okijto: “Tinochimej titlajyouiyaj ipampa tlen xkuajli panotika”. ¿Noijki ijkon titlanemilia?
Melak xkuajli tlen nochiuiyan panotika:
Onka kokolistin
Nochiuiyan tlaixpoliui
Miyekej xkipiyaj tomin niman apismikij
Yoijtlakauj yejuin tlaltikpaktli
Nochiuiyan nouisokilo niman tlachtekilo
Guerras
Tikuelitaskiaj tinemiskej kampa:
Maka matikualokan
Maka matlaixpoliui
Maonia miyek tlakuajli
Nochiuiyan matlachipaujkan
Maka yakaj makixnamiki tlen xkuajli
Maka maoniakan guerras
¿Tlenon tikijtosnekij ijkuak tikteneuaj se kualtsin tlaltikpaktli?
¿Tlenon ipan nochiuas yejuin tlaltikpaktli?
¿Tlenon uelis tikchiuaskej tla tiknekij tinemiskej ipan se kualtsin tlaltikpaktli?
Ijkuak tikpouas yejuin revista, mitsyolseuis tikmatis kenon Biblia kinankilia tlen kemantika totlajtoltiaj.