Ipampa guerra niman pampa xok kiyaui ken noneki xonka miyek tlakuajli | ¿Tlenon kijtoua Biblia?

Ipampa guerra tlen panotika Ucrania niman pampa xok kiyaui ken noneki, más itlaapistitiuj. Niman más ijkin panoua ipan países kampa xmás onka tomin.

“Pampa xok kiyaui ken kiyauiya niman ipampa guerras tlen panouaj, melak yotlapatiouak niman yejuin yokichiuj maka maonia miyek tlakuajli” (António Guterres, secretario general de las Naciones Unidas, 17 de julio de 2023).
“Rusia yokijtoka ika kikauiliskia Ucrania makinamaka tlakuajli, san ika, aman yonotsinkixti. Miyekej kijtoua ika ipampa yejuin, xok miyek onias tlakuajli niman ika kichiuas más mapatioua tlakuajli ipan países kampa xmás onka tomin ken ipan norte de África niman Oriente Medio” (Atalayar.com, 23 de julio de 2023).

Xkita tlenon kijtoua Biblia itech tlakuajli niman itech tlenon panos ika tlayekapan.

Biblia yokijtojka ika xok miyek tlakuajli oniaskia

Jesús okijto: “On uejueyitekiuajkej nouijsokiskej inuan oksekimej uejueyitekiuajkej niman on países nomiktiskej inuan oksekimej países. Onyas apistli” (Mateo 24:7).
Apocalipsis kinteneuaj nauimej tlakamej akin yauej ipan caballos. Se itech yejuamej kijtosneki ika onias guerra niman okse tlen kuajtokaya kijtosneki apistli. Noijki kijtoua ika oniaskia se tiempo ijkuak xok oniaskia tlakuajli niman ika melak tlapatiouaskia. Biblia kijtoua: “Onikitak sen caballo tlilijki. On yejuan ipan yetiaya kitkiya sen tlatemachiuajli para ika tlatemachiuas. Niman […] onikak sen tlajtojli yejuan kijtouaya: “Yejkos on tiempo ijkuak se kitlanis san se litro trigo, noso san yeyi litro iteyo cebada ipan se tonajli” (Apocalipsis 6:5, 6).

Yejuin inochiujtika aman, ijkon ken yokijtojka Biblia panoskia “ipan itlamiyan tonaltin” (2 Timoteo 3:1, TNM). Tla tikneki tikmatis okseki itech itlamiyan tonaltin xkita video Miyek onopatlak ipan 1914 niman xpoua tlamachtijli“ ¿Qué representan los jinetes del Apocalipsis?”.

Biblia techijlia tlenon uelis techpaleuis ijkuak tipanouaj itlaj tlen ouijtika ken ijkuak xtikpiyaj tlen tikuaskej noso xok itlaj tlakuajli. Xkita seki tlen uelis mitspaleuis ipan tlamachtijli. “Cómo vivir con menos”.
Biblia noijki techyolseuiya pampa techijlia ika tikpiyaskej miyek tlen kuajli. Ompa kijtoua ika ajsis tonajli ijkuak “onias miyek trigo ipan on tepemej” niman ika tinochimej miyek tikpiyaskej tlen tikuaskej (Salmo 72:16). Tla tikneki tikmatis okseki itech tlen Biblia kijtoua nochiuas ika tlayekapan niman tleka uelis tikneltokas, xpoua tlamachtijli “La esperanza real de un mañana mejor”.