¡NOCHIPA XKITSTO!
Guerra tlen onka Ucrania kichiua ika mapatioua tlen tikuaskej
Ipan 19 de mayo de 2022, onosentlali Consejo de seguridad de la ONU kampa nemiyaj 75 tlakamej akin otlajtokej itech kenon COVID-19 niman nochi tlen kijtlakoua tlaltikpaktli okichiuj mapatioua tlakuajli, niman ika guerra de Ucrania kichiuaskia más matlapatioua. Sakin revista, The Economist okijto ika guerra kichiuaskia ika melak maonia apistli. Biblia noijki okijto ika oniaskia melak ueyi apistli ipan yejuin tonaltin, san ika noijki okijto tlenon uelis techpaleuis.
Biblia okijto ika oniaskia apistli
Jesús okijto: “On uejueyitekiuajkej nouijsokiskej inuan oksekimej uejueyitekiuajkej niman on países nomiktiskej inuan oksekimej países. Onyas apistli” (Mateo 24:7).
Apocalipsis kinteneuaj nauimej tlakamej akin yauej ipan caballos. Se itech yejuamej kijtosneki ika onias guerra niman okse tlen kuajtokaya kijtosneki apistli. Noijki kijtoua ika oniaskia se tiempo ijkuak xok oniaskia tlakuajli niman ika melak tlapatiouaskia. Biblia kijtoua: “Onikitak sen caballo tlilijki. On yejuan ipan yetiaya kitkiya sen tlatemachiuajli para ika tlatemachiuas. Niman intlajkotian on nauimej yejuan ken itlaj yolkej tlajtlachayaj, onikak sen tlajtojli yejuan kijtouaya: ‘Yejkos on tiempo ijkuak se kitlanis san se litro trigo, noso san yeyi litro iteyo cebada ipan se tonajli’” (Apocalipsis 6:5, 6).
Yejuin inochiujtika aman, ijkon ken yokijtojka Biblia panoskia “ipan itlamiyan tonaltin” (2 Timoteo 3:1, TNM). Tla tikneki tikmatis okseki itech itlamiyan tonaltin xkita video En 1914 el mundo cambió de rumbo niman xpoua tlamachtijli “¿Qué representan los jinetes del Apocalipsis?”.
Kenon techpaleuiya Biblia
Biblia techijlia tlenon uelis techpaleuis ijkuak tipanouaj itlaj tlen ouijtika ken ijkuak xtikpiyaj tlen tikuaskej noso xok itlaj tlakuajli. Xkita seki tlen uelis mitspaleuis ipan tlamachtijli “Como vivir con menos”.
Biblia noijki techyolseuiya pampa techijlia ika tikpiyaskej miyek tlen kuajli. Ompa kijtoua ika ajsis tonajli ijkuak “onias miyek trigo ipan on tepemej”niman ika tinochimej miyek tikpiyaskej tlen tikuaskej (Salmo 72:16). Tla tikneki tikmatis okseki itech tlen Biblia kijtoua nochiuas ika tlayekapan niman tleka uelis tikneltokas, xpoua tlamachtijli “La esperanza real de un mañana mejor”.