Nochiuiyan melak tlapatioua, ¿tlenon kijtoua Biblia?

Ipan junio de 2022, presidente itech Grupo Banco Mundial okijto ika oksejpa yopeuj tlapatioua ipan nochi tlaltikpaktli. Aman melak patioj tlen tijkuij niman miyekej xkipiyaj tlen ika tlakouaskej.

Fondo Monetario Internacional kijtoua ika pampa aman melak yopatiouak tlakuajli niman okseki tlemach, ipan países kampa xonka miyek tomintsin melak tlajyouiyaj.

Biblia kijtoua tleka melak tlapatioua, tlenon uelis tikchiuaskej niman tlenon panos ika tlayekapan.

Melak tlapatioua ipan sa “itlamiyan tonaltin”

• Biblia kijtoua ika tinemij ipan sa “itlamiyan tonaltin” (2 Timoteo 3:1, Traducción del Nuevo Mundo).

• Jesús okijto ika ipan yejuin tiempo panoskia miyek tlemach tlen “temojtij” (Lucas 21:11). Ijkuak melak tlapatioua miyekej nomojtiaj pampa xkimatij tla ueliskej kinmakaskej tlen kinpoloua inchanejkauan.

• Libro de Apocalipsis kijtoua ika ipan yejuin tiempo melak patiouaskia tlakuajli. Apocalipsis 6:6 kijtoua: “Onikak sen tlajtojli yejuan kijtouaya: ‘Yejkos on tiempo ijkuak se kitlanis san se litro trigo, noso san yeyi litro iteyo cebada ipan se tonajli’”.

Tla tikneki okseki tikmatis itech “itlamiyan tonaltin” niman itech teotlajtojli tlen kiteneua libro de Apocalipsis, xkita video “En 1914 el mundo cambió de rumbo” niman xpoua tlamachtijli “¿Qué representan los jinetes del Apocalipsis?”.

Yejkos tonajli ijkuak xok itlaj techpolos

• “On chanejkej kinchijchiuaskej inkaluan niman kuajli ompa chantiskej, tlatôkaskej ikan uvas, niman yejuamej kikuaskej itlakyo on uvas. Ompa xkichijchiuaskej inkal niman yej oksekimej ompa chantiskej, nion tlatôkaskej niman yej oksekimej kikuaskej on tlakijlotl” (Isaías 65:21, 22).

• “¡Ma onya miyek trigo ipan on país, niman ma onya miyek trigo ipan on tepemej!” (Salmo 72:16).

• “ToTEKO [Jehová] ijkin yokijtoj: “On mayankej niman on yejuan xuelij nomanauiyaj, kintlajyouiltiaj niman inka nauiltiaj. Yejua ika, aman ninotelketsas niman nikinmanauis” (Salmo 12:5).a

Sa achijtsin poliui ijkuak toTajtsin kichiuas maka itlaj matechpolo, san ika, xsan ipan se país, yes ipan nochi tlaltikpaktli. Tla tikneki tikmatis kenon kichiuas, xkita tlamachtijli “¿Es realista esperar un sistema económico justo?”.

San ika, aman ika xiyejko yejon tonajli, Biblia techpaleuiya matikitakan kenon kuajli tiktekitiltiskej totomintsin para más kuajli matechaxili (Proverbios 23:4, 5; Eclesiastés 7:12). Tla tikneki okseki tikmatis, xkita tlamachtijli “Xmalui motomintsin” niman “Cómo vivir con menos”.