Ken uelis timomachtis
Kenon uelis tikinkuis secciones “Lo nuevo” niman “Tlen yenkuik ipan jw.org”
Ipan secciones “Lo nuevo”, tlen onka ipan JW Library®, niman “Tlen yenkuik ipan jw.org”, uajnesij tlamachtiltin tlen kemach yonotlejkoltijkej. ¿Kenon uelis tikinkuiskej yejuin secciones?
Ipan JW Library
Ijkuak kisa se yenkuik tlamachtijli, notlalia kampa noneki yas. Ipan sección “Lo nuevo” uelis tiknextis niman tiktemoltis yejon tlamachtijli. Sakin tejua uelis tikpouas yejon yenkuik tlamachtijli tlen uajnesi hasta tlakpak ipan lista. San kuajli xkita ika yejon lista maonia kampa kijtoua “Fecha”.
Tlamachtiltin tlen más ueueyakej, ken revistas, xuelis nimantsin titlamiskej tikinpouaskej. Tejua uelis tikintlalis yejon tlamachtiltin kampa “Favoritos” niman ijkon xouijtika tikinnextis ijkuak tiknekis oksejpa tikinpouas. Ijkuak titlamis tikinpouas, uelis tikinkixtis ipan lista de favoritos.
Ipan jw.org
Xnochi tlen yenkuik kisa uajnesi ipan JW Library. Onka okseki tlen san uelij tikinnextiaj ipan jw.org, ken noticias. Maka xkilkaua tikalakis ipan sección “Tlen yenkuik ipan jw.org” niman ijkon uelis tikinpouas tlamachtiltin tlen kemach kisaj.