Xtejtemo ipan jw.org tlen uelis mitspaleuis

ITlajtol toTajtsin techijlia tlenon uelis tikchiuaskej tla tiknekij titlaxikoskej ipan itlamiyan tonaltin (2Ti 3:1, TNM; 2Ti 3:16, 17). San ika, kemantika tiknekij matechpaleuikan noso matechijlikan tlenon uelis tikchiuaskej ika itlaj tlen tikixnamiktokej. Tla tejua titajtli, ¿tikuelitaskia tikmatis kenon tikimiskaltis mokoneuan? Tla yomik moixnamik, ¿tikneki tikmatis tlenon uelis mitsyolseuis? Tla titelpochtli, ¿tikneki tikmatis kenon uelis nochipa timelajkanemis itech Jehová? Ipan jw.org uelis tiktejtemos yejuin noso okseki tlen tikneki tikmatis, niman tlen ompa tiknextis melak mitspaleuis (Pr 2:3-6).

Ipan jw.org xpachouili kampa kijtoua “Tlamachtiltin itech Biblia” niman xtlapejpeni tlen tikneki tikmatis (tlaixkopinajli 1). Noso xpachouili kampa kijtoua “Amatlajkuiloltin”, sakin kampa kijtoua “Tlamachtiltin” niman xtlapejpeni tlen tikneki tikmatis (tlaixkopinajli 2). Nochi yejuin noijki uelis tiknextis ipan JW Library^®.a Xkimita tlamachtiltin tlen ompa uajlauej, kanaj ompa tiknextis tlen tikneki tikmatis. Noso kampa kijtoua “Xtejtemo” uelis tikijkuilos tlen tikneki tikmatis (lupita tlen kipiya jw.org).

Xkijkuilo yejuin kampa kijtoua “Xtejtemo” niman xkimijkuilo tlamachtiltin tlen tikuelitaskia tikinamapouas:

• Tikinmachtis mokoneuan

• Telpokamej

• Ijkuak yakaj miki