“Xokichiuilij cuenta on tlajtlakojli yejuan okichijkej ijkuak xe mikiya Cristo”

San uelis techtlapopoluiskej ipampa tlaxtlauijli tlen Jesús okitemakak (Efes. 1:7). Maski ijkon, Biblia kijtoua ika Jehová “xokichiuilij cuenta on tlajtlakojli yejuan okichijkej ijkuak xe mikiya Cristo” (Rom. 3:25). Yejuin kijtosneki ika Jehová opeuj tetlapopoluiya achto ika Jesús notemakaskia ken tlaxtlauijli. San ika ¿kenon Jehová ouel otetlapopolui maski Jesús ximikiya?

Jehová yokijtojka ika uajlaskia se teuejkakoneuj para kinmakixtis nochimej akin itech tlaneltokaskiaj. Ijkuak ijkin okijto, para yejua kentla yejon teuejkakoneuj yokitemakaka se tlaxtlauijli (Gén. 3:15; 22:18). Jehová kuajli kimatstoya ika Jesús kinektoskia notemakas ken tlaxtlauijli ijkuak yejua kijliskia (Gál. 4:4; Heb. 10:​7-10). Niman ijkuak Jesús nemiya ipan tlaltikpaktli, Jehová okikauili makintlapopolui tlaltikpakchanejkej akin itech tlaneltokayaj. Maski Jesús xinotemakaya ken tlaxtlauijli, yejua ouel otetlapopolui pampa kimatstoya ika imikilis kichiuaskia ika toTajtsin matetlapopolui (Mat. 9:​2-6).