¿Akin kichiuaj ken Cristo uelis tlapaleuiskej ipan guerra? | ¿Tlenon kijtoua Biblia itech yejuin?

Tlen panotika ne Ucrania, kuajli techititia ika akin tlayekanaj ipan religión católica tlapaleuiyaj ipan guerra. Xkita kenon yejuamej kinpaleuiyaj yejon ome países akin noixnamikij:

• Ipan 16 de marzo de 2022, ipan periódicoThe Jerusalem Post, onoijto ika teopixki Epifanio I de Kiev okijto: “Tiknekij tikinueyichiuaskej niman tikintlasojkamachiliskej nochimej akin kimanauiyaj Ucrania. Kuajli xmatstokan ika nochipa timechpaleuiskej niman ika nochipa tikchiuaj teoyotl nemopampa”.

• Ipan 3 de abril de 2022, periódico Reuters okijto: “Yejuin domingo, akin tlayekana ipan Iglesia ortodoxa rusa, okichiuj se misa para akin tlaixnamikij ipampa Rusia, ompa okinyolchikauj makitlajpiyakan inpaís ‘san ken rusos uelij kichiuaj’ niman noijki Moscú kitejtemoua kenon kixnamikis Ucrania”.

¿Akin kichiuaj ken Cristo noneki yaskej ipan guerra? ¿Tlenon kijtoua Biblia?

Tlen Biblia kijtoua

Biblia techijlia ika akin yemelak kichiuaj ken Cristo, xtlapaleuiyaj ipan guerras.

• “Xkeua moespada kampa otikxikopin, pampa nochimej yejuan temiktiaj ikan espada, no ikan espada mikiskej” (Mateo 26:52).

  Tla yakaj tlapaleuiya ipan guerra noso tlaixnamiki, ¿kitlakamatstoskia tlen okijto Jesús?

• “Nemechmaka in yenkuik tlanauatijli: xmotlajsojtlakan inuan oksekimej. Ijkon ken nejua nemechtlajsojtla, nemejuamej no ijki xmotlajsojtlakan inuan oksekimej. Tla nemotlajsojtlaj inuan oksekimej, nochi tlakatl kitas ika nennotemachtijkauan” (Juan 13:34, 35).

  ¿Uelis yakaj yes inomachtijkauj Jesús tla tlapaleuiya ipan guerra?

Tla tikneki tikmatis okseki, xpoua tlamachtijli “El cristianismo y la guerra: ¿son compatibles?”.

¿Tlenon noneki tikchiuaskej?

¿Uelis yakaj xtlapaleuis ipan guerra? Kema, Biblia yokijtoka ika ipan itlamiyan tonaltin miyekej “xok kintlayejyekoltiskej para [...] tlauisokiskej” ijkon kitlakamatstoskiaj tlen Jesús okijto (Isaías 2:2, 4).

• Tla tikneki tikmatis okseki, xkita tlamachtiltin tlen uajlauej ipan Amatl Tekakistilijketl tlen itoka “¿Tlenon kinemilia toTajtsin itech guerras?”.

San achijtsin poliui ijkuak Jehová,a toTajtsin akin techmaka yolseuilistli, kitekitiltis itekiuajyo para “kinmanauis on yejuan kintlajyouiltiaj niman kiminmajmailiaj” (Filipenses 4:9; Salmo 72:14).

• Tla tikneki tikmatis kenon kichiuas yejuin, xkita video ¿Tlenon kijtosneki iTekiuajyo toTajtsin?