Iteixpantijkauan Jehová niman Holocausto | ¿Tlenon kijtoua Biblia?

Ipan 27 de enero de 2023, miyekej kipanoltiskej Día Internacional en Memoria del Holocausto. Ikipiya 75 xiuitl ika opanok Holocausto niman kanaj tejua timotlajtoltia tleka toTajtsin okitekauili ijkon mapano.

• Tla tikneki tikmatis tlenon kijtoua Biblia itech yejuin, xkita tlamachtijli tlen itoka “¿Tleka yeuejkaui melak miyekej judíos okinmiktijkej? ¿Tleka toTajtsin xokinpaleui?”.

Melak miyekej judíos okinmiktijkej niman otlajyouijkej ipampa Holocausto. Noijki miyekej okintlaueltokakej niman okinmiktijkej akin xjudíos katkaj, ken iteixpantijkauan Jehová. Yejuamej okintlaueltokakej ipampa tlen kineltokayaj.

• Tla tikneki okseki tikmatis, xkamapoua tlamachtijli “¿Qué les ocurrió a los testigos de Jehová durante el Holocausto?”.

“Se kuajli nemilistli niman tlamachialistli”

Miyekej melak nomojtiaj ika oksejpa mapano itlaj ken Holocausto. San ika, melak techyolseuiya ika Biblia kijtoua ika ajsis se tonajli ijkuak xok keman ijkon panos.

• “Pampa nejua kuajli nikimixmatstika tlanemililtin tlen niknemilijtika nemotechkopa, ijkon kijtoua Jehová, tlanemililtin tlen kipiyaj yolseuilistli, niman xkipiyaj tlen xkuajli, tlen mechmakas se kuajli nemilistli niman tlamachialistli” (Jeremías 29:11, TNM).a

Tlen kijtoua yejuin texto nochiuas ijkuak Jehová kipopolos nochi tlen xkuajli niman kiyektlalis nochi tlen yoijtlakauj. Xok uejkaujtipan poliui ijkuak toTajtsin kichiuas yejuin:

• Kinpopolos nochimej akin melak tetlajyouiltiaj (Proverbios 2:22).

• Kinpaleuis niman kinyolseuis akin yotlajyouijkej (Apocalipsis 21:4).

• Kinyolitis ipan tlaltikpaktli akin yomijkej (Juan 5:28, 29).

Tejua uelis tikneltokas tlen kijtoua Biblia. Tla tikneki tikmatis tleka uelis tikneltokas, timitsyolchikauaj xmomachti Biblia iuan se iteixpantijkauj Jehová.