ToTajtsin kintlajpiya akin xuelij tlakakij

Ipan nochi tlaltikpaktli nemij kanaj 70 millones de tlaltikpakchanejkej akin xuelij tlakakij, niman miyekej para nasikamatiskej imiuan oksekimej, kitekitiltiaj se itech 200 tlajtoltin ika señas tlen onkatij. Teajman ika akin xuelij tlakakij miyekpa kinchiuiliaj tlen xkuajli, ijkon ken nikan kijtoua:

• “Ipan nochi tlaltikpaktli xkintlakaitaj akin xmás uelij tlakakij niman akin xuelij tlakakij” (Asociación Nacional de Sordos de Estados Unidos).

• “Miyekej tlaltikpakchanejkej akin xuelij tlakakij, xkipiyaj tomin niman xmás kinkauiliaj manomachtikan, matekitikan noso makiselikan itlaj okse” (Federación Mundial de Sordos).

¿Tlenon kimachilia toTajtsin inpampa akin xuelij tlakakij? ¿Tlenon kijtoua Biblia intech yejuamej? ¿Niman kenon iteixpantijkauan Jehová kinpaleuijtokej akin xuelij tlakakij?

¿Kenon kimita toTajtsin akin xuelij tlakakij?

Biblia kijtoua ika toTajtsin Jehováa najmana inpampa akin xuelij tlakakij. Yejua kineki ika nochimej makiselikan tlamachtijli tlen yejua techmaka niman matikintlakaitakan.

Tlen Biblia kijtoua: “Maka xkuijuikaltikan yakaj yejuan tsatsa” (Levítico 19:14).

Tlen Biblia kijtoua: “ToTajtsin xtechikoita” (Hechos 10:34).

Tlen Biblia kijtoua: “Jesús tenojnotstiaya ipan nochi ciudades niman pueblitos, [...] kiteijlijtiaya tlen kichiuas iGobierno toTajtsin” (Mateo 9:35).

Tlen Biblia kijtoua: Jesús “hasta kichiua matlakakikan akin xtlakakij niman matlajtokan akin xueli tlajtouaj” (Marcos 7:37).

Tlen Biblia kijtoua: “Ijkuakon, [..] on tsatsamej tlakakiskej” (Isaías 35:5).

Tlen kijtosneki: Jehová okijto ika ajsis tonajli ijkuak akin xtlakakij, tlakakiskej (Isaías 29:18).

¿Tlenon kichiujtokej iteixpantijkauan Jehová para kinpaleuiskej akin xuelij tlakakij?

Iteixpantijkauan Jehová kiminojnotsaj ipan nochi tlaltikpaktli akin xuelij tlakakij, itech tlen Jehová kichiuas inpampa ika tlayekapan. ¿Kenon nochiua yejuin? Tiktlajtolkuepaj Biblia niman videos ika más de 100 tlajtoltin ika señas. Noijki titemachtiaj itech Biblia niman tikinpiyaj tlanechikoltin ika tlajtoltin ika señas. Tikchiuaj nochi yejuin para akin kinekis kixmatis toTajtsin, niman xnoneki itlaj kitlaxtlauas. ¿Tleka? Pampa Jesús okijto: “Maka mamechtlaxtlauilikan ipampa yejuin pampa nemejuamej noijki xonenkitlaxtlajkej” (Mateo 10:8).

¿Kanon uelis tiknextis nochi yejuin? Ipan yejuin ome:

JW.ORG. Xpachouili tlakpak kampa nestika símbolo de tlajtoltin niman ompa uelis tiknextis maski san katlejua tlajtojli ika señas.

JW Library Sign Language. Yejuin se aplicación tlen xnotlaxtlaua, uelis tiktemoltis yejuin aplicación niman videos tlen ompa onkatij ika tlajtoltin de señas.

¿Tlenon tiktekitiltiaj ijkuak titemachtiaj ika Biblia?

Biblia ika tlajtoltin de señas. La Traducción del Nuevo Mundo ika tlajtojli de señas americana yejon kachtopa Biblia tlen nochi onotlajtolkuep ika señas ipan nochi tlaltikpaktli. La Traducción del Nuevo Mundo ionka nochi noso san achijtsin ipan miyek tlajtoltin de señas, niman cada xiuitl notlajtolkuepa ika más tlajtoltin. (Tla tikneki tikitas ipan tlen tlajtoltin onka noso tikpouas Biblia ipan internet, xuiya ipan recuadro “La Traducción del Nuevo Mundo ika tlajtoltin ika señas”).

• Xkita video Traducción del Nuevo Mundo nochi yokis ika tlajtojli señas americano para ijkon xkita nochi tlen noneki nochiuas para kitlajtolkuepaskej Biblia ika tlajtojli de señas.

• Tla tikneki más kuajli tikpouas Biblia, xtemolti ipan mocelular aplicación JW Library Sign Language. Yejuin mitspaleuis xtlapejpeni katlejua tlaxelojli tikneki tikpouas ipan Biblia ika señas.

• Dmytro niman Vita xuelij tlakakij, san ika, inkoneuan kema. Xkita kenon yejuin familia melak yokinpaleui mojmostla kitaskej Biblia ika tlajtojli de señas.

Videos tlen temachtiaj itech Biblia. Iteixpantijkauan Jehová yokinchijchiujkej videos ika tlajtojli señas niman ijkon kinpaleuiskej tlaltikpakchanejkej makasikamatikan niman makichiuakan tlen Biblia kijtoua. ¿Akinomej kinpaleuiya?

• Akin yononamiktijkej niman familias

• Telpokamej niman ichpokamej

• Kokonej

Titlamachtiaj ika Biblia. Yakaj uelis mitspaleuis xmomachti itech tlen kijtoua Biblia ijkuak tejua tiuelis. Xtlajtlani mamitsititikan kenon nochiua yejuin tlamachtijli tlen xnotlaxtlaua.

Jeson Senajonon chanti Filipinas. Xkita kenon ijkuak opeuj nomachtia Biblia okipaleui kuajli manouika iuan toTajtsin.

Mario Antúnez katka se teopixketl itech se teopan ne Honduras. Xkita kenon okinexti tlen miyekpa notlajtoltiaya itech Biblia, ijkon ken okijto ijkuak otlajto itech inemilis ipan “Tenía muchas preguntas y pocas respuestas.”

Totlanechikoluan niman toueyitlanechikoluan. Ipan nochi tlaltikpaktli tikpiyaj miyek tlanechikoltin niman grupos ika tlajtoltin ika señas kampa nochimej akin xuelij tlakakij uelis nosentlaliskej para nomachtiskej niman kiueyichiuaskej toTajtsin nochi semanas. Noijki tikinpiyaj toueyitlanechikoluan ika señas nochi xiujtin. Ipan totlanechikoluan tikinpaleuiyaj akin xtlachiaj niman xuelij tlakakij makasikamatikan tlen ompa noijtoua. Niman tikinchijchiuaj toamatlajkuiloluan ika braille tlen xtlaj notlaxtlaua.

• Xtejtemo se tlanechikojli nisiuj kampa tichanti.

• Xkita kenon nochiuaj toueyitlanechikoluan tlen tikinpiyaj sejse xiuitl.

• Touan xmosentlali para tikilnamikiskej imikilis Cristo, yejuin tlen tikpanoltiaj nochi xiujtin melak ueyi kijtosneki.

José Luis Ayala chanti México. Desde ijkuak onemiko xueli tlakaki niman sakin noijki xok tlachiaya. Xkita kenon onochiuj se kuajli tlamachtijketl itech Biblia.