¿Tleka xakaj uelis kichiuas maonia yolseuilistli? | ¿Tlenon kijtoua Biblia?

Akin tlayekanaj ipan nochi tlaltikpaktli niman miyekej grupos, xuelij kichiuaj maonia yolseuilistli. Desde ijkuak opanok ika Okpa Guerra ipan nochi tlaltikpaktli, xkeman noitaya tlen aman nochiujtika, pampa aman melak miyekej nokualaniaj, nouisokij niman xuelij kuajli nouikaj, ika yejon, melak onka guerras. Kanaj ipantsin 2,000 millones tlaltikpakchanejkej chantij kampa melak tlaixpoliui ipampa tlen nochiua.

¿Tleka tlaltikpakchanejkej xuelij kichiuaj maonia yolseuilistli? ¿Tlenon kijtoua Biblia?

Yeyi tlemach itech tleka xuelij kichiuaj maonia yolseuilistli

1. 1. Biblia okijto ika “on tlakamej [...] sanoyej notlajsojtlaskej sano yejuamej, sanoyej tominnekiskej, noueyimatiskej [...] niman sanoyej xompayejyeuaskej. Xkintlajsojtlaskej oksekimej nion xteikneliskej [...] sanoyej xipanteitaskej niman xitlaj kuelitaskej tlen kuajli. Xnomojtiskej itlaj kichiuaskej, noueyimatiskej”. Yejuin kichiua maka manokojtilikan itlaj kichiuaskej para maonia yolseuilistli (2 Timoteo 3:2-4).

2. 2. Tlaltikpakchanejkej xuelis kiyektlaliskej tlen xkuajli nochiujtika inselti noso maski tla nopaleuiskiaj, pampa noneki makinpaleui toTajtsin Jehová.a Biblia kijtoua ika “se tlaltikpakchane nion xkimati kanon cholos ijkuak nejnemi” (Jeremías 10:23, Traducción del Nuevo Mundo).

3. 3. Yejuin tlaltikpaktli kiyekantika se xkuajli tekiuaj niman noixmati ken Satanás noso Diablo, yejua kinkajkayaujtika “nochi tlakatl chanej ipan in tlaltikpaktli” (Apocalipsis 12:9). Pampa“diablo ipan ima kimpiya nochimej on tlakamej de in tlaltikpaktli” nochipa onias tlauejli niman guerras (1 Juan 5:19).

¿Akinon kichiuas nochipa matiyolseujtokan?

Biblia techijlia ika toTajtsin kichiuas matiyolseujtokan, xtlaltikpakchanejkej.

• “Pampa nejua kuajli nikimixmatstika tlanemililtin tlen niknemilijtika nemotechkopa, ijkon kijtoua Jehová, tlanemililtin tlen kipiyaj yolseuilistli, niman xkipiyaj tlen xkuajli, tlen mechmakas se kuajli nemilistli niman tlamachialistli” (Jeremías 29:11, TNM).

¿Kenon kichiuas toTajtsin tlen yokijto? “Dios yejuan kitemaka yolseuilistli saniman kitlajkalis nemokxitlan on Satanás” (Romanos 16:20). Jehová kitekitiltis se tekiuajyotl niman Biblia kiteneua ken “iTekiuajyo ToTajtsin”, para kichiuas maonia yolseuilistli ipan nochi tlaltikpaktli (Lucas 4:43). Jesús akin tekiuaj itech yejon Tekiuajyotl, kichiuas matinemikan ika yolseuilistli (Isaías 9:6, 7).

• Tla tikneki okseki tikmatis, uelis tikitas tlamachtijli “¿Tlenon kichiuas iTekiuajyo toTajtsin?”