id-work/DigitalVision Vectors via Getty Images
¡XTLATLACHIXTOKAN!
¿Tleka melak notlauelitalo?¿Tlenon kijtoua Biblia?
Noticias nochipa kijtoua kenon notlauelitalo, tlen xkuajli kichiuaj akin tetlauelitaj niman kenon ipampa yejon miyekej nouisokij.
“Ipampa ken noixnamikij Israel niman Gaza niman políticos, ipan redes sociales melak miyek onka noticias itech ken notlauelitalo” (The New York Times, 15 de Noviembre de 2023).
“Desde ipan 7 de Octubre, onoitak ika ipan nochi tlaltikpaktli opeuj más notlauelitalo niman ipampa yejon omiyekiyak tlen xkuajli nochiua” (Dennis aFrancis, presidente de la Asamblea General de las Naciones Unidas, 3 Noviembre de 2023).
Ken notlauelitalo niman ken nouisokilo, xkemach opeuj. Biblia kiteneua kenon yeuejkaui nemiyaj miyekej akin ika “intlajtol [temiktiayaj] kenon flechas yejuan kipiyaj veneno” niman san kinekiyaj tlauisokiskej (Salmo 64:3; 120:7; 140:1). San ika, Biblia techasikamachiltia tleka ipan yejuin tonaltin más yomiyekiyak tlauejli.
Ken notlauelitalo: Itlaj tlen melak nesiskia ipan yejuin tonaltin
Biblia techijlia ome tlemach itech tleka ipan yejuin tonaltin melak notlauelitalo.
1. Okijto ika ajsiskia tonajli ijkuak “miyekej xok notlajsojtlaskej inuan oksekimej” (Mateo 24:12). Niman ika tlen kichiuaskiaj kiteititiskiaj ika kintlauelitaj oksekimej(2 Timoteo 3:1-5).
2. Pampa melak notlauelitalo, techititia ika Satanás tlayekantok. Biblia kijtoua ika “on diablo ipan ima kimpiya nochimej on tlakamej de in tlaltikpaktli” (1 Juan 5:19; Apocalipsis 12:9, 12).
San ika, noijki Biblia kijtoua ika toTajtsin kipopolos nochi tlen kichiua ika manotlauelitalo niman nochi tlajyouilistli tlen tikpiyaj ipampa yejon. Tlen kijtoua Biblia:
“Dios kimpopouilis nochi iminixayo, niman xok onyas mikilistli, nion chokistli, nion ajmantli, nion kokolistli, pampa nochi tlen achtoj onkatka yopanok” (Apocalipsis 21:4).