Tlen xkuajli panoua ipampa política | ¿Tlenon kijtoua Biblia?

Aman melak kimixnamikij akin kipaleuiyaj se Estado.

¿Tleka panoua tlen xkuajli ipampa política? ¿Ajsis se tonajli ijkuak xok ijkon panos? ¿Tlenon kijtoua Biblia?

Biblia yokijtojka ika miyekej noxexeloskiaj ipampa política

Biblia okijtojka ika ipan yejuin tonaltin, tlen noixmatij ken “itlamiyan tonaltin”, miyekej kichiuaskiaj tlen xkuajli niman xnotlajtolnamikiskiaj.

• “Ipan itlamiyan tonaltin melak tetekiyomakas tlen panos niman hasta xuelis titlaxikos. Pampa on gente san no yejua notlasojtlas, […] xtetlasojkamachilis niman xmelajkanemis, […] xteajsikamatis, […] melak tlauele yes, […]tekajkayauas, xkinemilis tlen kichiuas, melak noueyimatis” (2 Timoteo 3:1-4).

Biblia noijki yokijtojka ika ipan yejuin tonaltin, miyekej nouisokiskiaj niman noijki miyekej kimixnamikiskiaj tekiuajkej (Lucas 21:9). San ika, xok uejkauis ika kipopoloskej tlen xkuajli panoua niman ken texexeloua política.

Tlamis tlen xkuajli panoua ipampa política

Biblia kijtoua ika toTajtsin kintekipatlas nochi yejuin gobiernos ika iGobierno tlen onias ne cielo.

• “ToTajtsin iluikakchane kitlalis se tekiuajyotl […]. Kinkuechos niman kinpopolos nochi tekiuajyomej, niman san yejua nochipa nemis” (Daniel 2:44, TNM).

IGobierno toTajtsin kichiuas ika tinochimej san sekan matinemikan niman matiyolsejtokan.

• Jesucristo, akin kiyekanas, noixmati ken “iKoneuj Tekiuaj akin kuajkuis Yolseuilistli”. Yejua kichiuas nochipa matiyolsejtokan (Isaías 9:6, 7, TNM).

• Aman, akin kipaleuiyaj yejuin Gobierno, nokojtiliaj nemiskej ika yolseuilistli. Biblia ijkin kijtoua itech yejuamej: “Inespadas kinkuepaskej tepostlaxoponaltin, niman inlanzas kinkuepaskej sakatektli yejuan ika pixkaskej. On chanejkej ipan on naciones xokaman nouijsokiskej, nion xok kintlayejyekoltiskej para ueliskej tlauisokiskej” (Isaías 2:3, 4).

Tla okseki tikneki tikmatis, xkita tlamachtijli “¿Qué cosas logrará el Reino de Dios?” niman xkita video ¿Tlenon kijtosneki iTekiuajyo toTajtsin?