¿Uelis itech yakaj titlaneltokas? | ⁠¿Tlenon kijtoua Biblia?

Miyekej noyolkokouaj ijkuak kitaj ika akin ueliskia itech tlaneltokaskej kichiuaj tlen xkuajli, ken ijkuak: . . .

• Políticos akin san yejuamej kinekij nopaleuiskej niman xnajmanaj ipampa oksekimej.

• Akin kipanoltiaj noticias xkijtouaj nochi tlen yemelak opanok.

• Científicos akin xkichiuaj tlen kinpaleuis oksekimej.

• Akin tlayekanaj ipan religiones más najmana itech kenon kipaleuiskej política niman xnajmana itech kenon tlajtoskej itech toTajtsin.

Niman yemelauak, noneki totlajpiyaskej itech akinon titlaneltokaj. Biblia techijlia:

• “Maka xtlaneltoka itech tlakamej akin uejueyixtokej, pampa yejuamej san tlakamej akin xuelij temakixtiaj” (Salmo 146:3, Dios habla hoy, 1994).

Yakaj akin uelis itech titlaneltokas

 Biblia kijtoua ika kema nemi yakaj akin uelis itech titlaneltokas: Jesucristo. Yejua xsan se kuajli tlakatl akin yeuejkaui onemiko. Biblia kijtoua ika Jesús: “Yejua tlamandaros para nochipa [...] niman itekiuajyo xkaman tlamis” (Lucas 1:32, 33). Kuakon toTajtsin okitlali ken tekiuaj itech itekiuajyo. Niman aman uajtlayekantok ne iluikak (Mateo 6:10).

• Tla tikneki tikmatis tleka uelis titlaneltokas itech Jesús, xkinpoua yejuin tlamachtiltin “¿Akinon tekiuajtis ipan yejuin Tekiuajyotl?” niman “¿Tlenon kichiuas iTekiuajyo toTajtsin?”.