Xok tlaneltokaj itech políticos | ¿Tlenon kijtoua Biblia?

Ipan 2024, san ipan se xiuitl miyekpa notlapejpeniskej tekiuajkej ipan nochi tlaltikpaktli xijkon ken ipan okseki xiujtin. San ika, miyekej tlaltikpakchanejkej xok tlaneltokaj itech políticos.

• Ipan se encuesta tlen onochiuj Estados Unidos, miyekej okijtojkej ika “casi nochimej políticos san intech tlanemiliaj” niman xtlanemiliaj intech oksekimej (centro de investigación Pew Research Center, 19 de septiembre de 2023).a

Miyekej telpokamej noijki xok más tlaneltokaj itech políticos.

• “Aman telpokamej kinekiskiaj kiyektlaliskej tlaueltin tlen onka, san ika, ijkuak onochiuj encuesta, yejuamej okijtojkej ika políticos xtepaleuiyaj” (The New York Times, 29 de enero de 2024).

• “Ipan se encuesta tlen onochiuj sekimej telpokamej okijtojkej ika más tlaneltokaj itech youtubers xken itech políticos” (The Korea Times, 22 de enero de 2024).

Kuakon, ¿uelis tlayektlaliskej políticos? ¿Itech akinon uelis titlaneltokaskej?

Xkita itech akinon titlaneltoka

Melak kuajli tla kachtopa tikitaj itech akinon titlaneltokaj. Biblia kijtoua ika “on tlakatl yejuan tonto nochi kineltoka tlen kijliaj, pero on tlakatl yejuan tlamatki achtoj kinemilia tlinon kichiuas” (Proverbios 14:15).

• Tla tikneki tikmatis kenon uelis tikitas tlenon melauak niman tlenon xmelauak, xkita tlamachtijli “Cómo protegerse de la información falsa”.

Niman maski seki políticos akin kinekij tepaleuiskej niman kichiuaskej tlen kuajli, xueli nochi kichiuaj. Ika yejon, Biblia techijlia yejuin:

• “Maka xtlali moyojlo intech on tlakamej yejuan uejueyixtokej, pampa on san tlakamej yejuan xuelij temakixtiaj” (Salmo 146:3).

Se tlayekanketl akin uelis itech titlaneltokas

Biblia kijtouaj ika toTajtsin okitlali se tlayekanketl akin melak kojtik niman akin uelis itech titlaneltokaskej: Jesucristo (Lucas 1:32, 33). Jesús yejua tekiuaj ipan iTekiuajyo toTajtsin, se gobierno tlen onka iluikak (Mateo 6:10).

• Xkita tleka uelis titlaneltokas itech Jesús niman tlenon kichiuas para tlayektlalis. Xkimita tlamachtiltin “¿Akinon tekiuajtis ipan yejuin Tekiuajyotl?” niman “¿Tlenon kichiuas iTekiuajyo toTajtsin?”.