Mojmostla más miyekej san inselti nomachiliaj | ¿Tlenon kijtoua Biblia?

Se informe kijtoua ika ipan nochi tlaltipaktli,a itech naui tlaltikpakchanejkej se iselti nomachilia.

• “Maski san akinon, maski iueyi noso pitensin, maski san kanon chanti uelis iselti nomachilis”, ijkon okijto Chido Mpemba, akin tlayekana ipan Comisión de la Organización Mundial de la Salud sobre Conexión Social.

Miyekej kinemiliaj ika san akin iueueyimej niman akin iminselti chantij, san yejuamej uelis inselti nomachiliskej, san ika, yejon xmelauak. Noijki akin ok telpokamej, akin xkualoj niman akin yononamiktijkej yejuamej noijki uelis inselti nomachiliskej. Akin san inselti nomachiliaj niman akin noxelouaj intech oksekimej uelis peuas kualoskej niman xkuajli nomachiliskej.

• “Moselti timomachilis xsan kijtosneki timajmanas. Ijkon timomachilis hasta uelis mitsmiktis ijkon ken yakaj akin kipoki 15 cigarrillos ipan se tonajli” (Vivek Murthy, director general de Salud Pública de Estados Unidos).

Tlen Biblia kijtoua

Akin otexchijchiuj xkineki matoxelokan intech oksekimej. ToTajtsin kineki matikinpiyakan toamigos niman matiyolpakikan imiuan.

• Biblia kijtoua: “ToTEKO Dios okijtoj: ‘Xkuajli para nemis iselti in tlakatl’” (Génesis 2:18).

ToTajtsin kineki iuan matouikakan. Yejua techijlia ika technisiuis tla tejuamej tokojtiliaj tiknisiuiskej (Santiago 4:8).

• Biblia kijtoua: “Yolpakij akin kimatstokej ika kipiya ika kitejtemoskej tlen ualeua itech toTajtsin, pampa yejuamej intlatki Tekiuajyotl tlen onka iluikak” (Mateo 5:3).

ToTajtsin kineki matikueyichiuakan imiuan oksekimej. Ijkuak ijkon tikchiuaj melak tiyolpakij.

• Biblia kijtoua: “Ma tiknemilikan kenijki uelis tikinyoleuaskej oksekimej para ma notlajsojtlakan niman para ma kichiuakan on tlen kuajli. Niman maka no ijki ma tikchiuakan ken sekimej yejuan xok nosentlaliaj [...]. Yej ma titoyoleuakan iuan oksekimej” (Hebreos 10:24,25).

Tla tikneki tikmatis más itech tlenon tikchiuas tla san moselti timomachilia, xkita tlamachtijli “Soledad en la era de la comunicación”.