¿Iteixpantijkauan Jehová se secta tlen ualeua Estados Unidos?

Oficina kampa noyekanaj sucursales tikpiyaj Estados Unidos. San ika, tejuamej xse secta tlen tiualeuaj Estados Unidos. Xmati tleka ka.

• Sekimej kasikamatij tlajtojli secta ken se grupo tlen yonoxelo itech se tlaneltokijli tlen onka. Iteixpantijkauan Jehová xonoxelojkej itech okse tlaneltokijli. Tejuamej yotitekitkej chikauak ika manochiua ken Jesucristo okinmachti kachtopa inomachtijkauan.

• Ipantsin doscientos treinta países niman okseki kalpamej nemij iteixpantijkauan Jehová akin kichiujtokej ken Cristo. Maski san kanon tichantij, tiyolmelaujkanemij itechkopa Jehová niman Jesucristo, niman xintech tlanauatijkej ipan Estados Unidos nion itech yakaj okse (Juan 15:19; 17:15, 16).

• Tikneltokaj tlen temachtia Biblia, xtikneltokaj tlen okijkuilo se tlayekanketl ipan tlaneltokijli akin ualeua Estados Unidos (1 Tesalonicenses 2:13).

• Tejuamej tiktokaj Jesucristo, xtiktokaj se tlaltikpakchane (Mateo 23:8-10).