¿Tleka iteixpantijkauan Jehová xkitekitiltiaj cruz?

Miyekej tlaltikpakchanejkej kinemiliaj ika nochimej akin kineltokaj Jesús kitekitiltiaj cruz. San ika, maski tiiteixpantijkauan Jehová tikneltokaj Jesús, xtiktekitiltiaj cruz ijkuak tikueyichiuaj toTajtsin. ¿Tleka xtiktekitiltiaj?

Kachtopa, Biblia xkijtoua tla Jesús omik ipan se cruz, tlen kema kijtoua ika omik ipan se kojtli melaktik. Niman noijki, akin kichiuaj ken Cristo Biblia kimijlia ika maka makinueyichiuakan “tlamachijchiualtin”, kijtosneki ika maka matiktekitiltikan cruz ijkuak tikueyichiuaj toTajtsin (1 Corintios 10:14; 1 Juan 5:​21).

Jesús kuajli okijto: “Tla nemotlajsojtlaj semej iuan oksekimej, nochi tlakatl kitas ika nennotemachtijkauan” (Juan 13:34, 35). Kuakon, akin melauak kichiuaj ken Cristo kimixmatiskiaj pampa notlasojtlaskiaj xpampa kitekitiltiaj cruz noso itlaj okse.