¿Uelis techpaleuis Biblia matiyolpakikan maski tikualoj?

Tlen Biblia kijtoua

Kema. Jehová kineki kinpaleuis itekipanojkauan akin kualoj. Biblia kijtoua: “ToTEKO kimakas chikaualistli ijkuak kualos” (Salmo 41:3). Tla tejua tikpiya se ueyi kokolistli, yejuin uelis mitspaleuis:

1. Xtlajtlanili toTajtsin mamitspaleui xtlaxiko. ToTajtsin techijlia ika techyolseuis niman techpaleuis maka sajnoye matechajmana tokokolis (Filipenses 4:6, 7).

2. Xtlanemili itech tlen kuajli. Biblia kijtoua: “On pakilistli yejuan onkaj ipan iyojlo sen tlakatl, yejua nochiua ken sen kuajli pajtli yejuan tepajtia” (Proverbios 17:22). Tla tokojtiliaj tiyolpakiskej maski tikualoj, techpaleuis más kuajli matomachilikan.

3. Maka xkilkaua tlen toTajtsin techmakas. Tla tejuamej tikilnamikij tlen toTajtsin techmakas ika tlayekapan, techpaleuis ijkuak tikpiyaskej se kokolistli (Romanos 12:12). Biblia kuajli kijtoua ika ajsis se tonajli ijkuak “xok yakaj kijtos: ‘Nikualo’” (Isaías 33:24). ToTajtsin kinpopolos nochi kokolistin. Noijki, kichiuas maka sa matiueuentsintiakan. ¿Tleka ijkon tikijtouaj? Pampa Biblia kijtoua: “Kemaj, inakayo nokauas ken inakayo sen konetsintli, nokauas ken ijkuak telpochtli katka” (Job 33:25).

Nota: Akin tiiteixpantijkauan Jehová tikneltokaj ika toTajtsin techpaleuiya, san ika, maski ijkon, ijkuak tikualoj noijki tiauej kampa tlapajtijkej (Marcos 2:17). Tejuamej xtikteijliaj kenon noneki nopajtiskej oksekimej, pampa yejon itlaj tlen toseselti noneki tiktlapejpeniskej.