BIBLIOTECA IPAN INTERNET Watchtower
Watchtower
BIBLIOTECA IPAN INTERNET
náhuatl de guerrero
  • BIBLIA
  • AMATLAJKUILOLTIN
  • TLANECHIKOLTIN
  • fg tlamachtijli 7 tlajtoltilistlin 1-5
  • ¿Tlenon kijtosneki iTekiuajyo toTajtsin?

Xonka video tlen otiktlapejpeni.

Xtechtlapopolui, xueli tlapoui video.

  • ¿Tlenon kijtosneki iTekiuajyo toTajtsin?
  • ¡ToTajtsin techijlia tlen kualtsin!
  • Okseki ken yejuin
  • ¿Tlenon on iTekiuajyo toTajtsin?
    ¿Tlenon kineki toTajtsin matikchiuakan?
  • ¿Tlenon kijtosneki iTekiuajyo toTajtsin?
    ¿Tlenon melauak temachtia Biblia?
  • ¿Tlenon kijtosneki “iTekiuajyo toTajtsin”?
    ¡Nochipa uelis tiyolpakis! Xkita tlen Biblia temachtia
  • Tlen kichiuas iTekiuajyo toTajtsin
    ¡Nochipa uelis tiyolpakis! Xkita tlen Biblia temachtia
Xkita okseki
¡ToTajtsin techijlia tlen kualtsin!
fg tlamachtijli 7 tlajtoltilistlin 1-5

TLAMACHTIJLI 7

¿Tlenon kijtosneki iTekiuajyo toTajtsin?

1. ¿Tlenon kijtosneki iTekiuajyo toTajtsin?

1. ToTajtsin iiluikaktekiuajyo; 2. Jesús kipajtitika se tlakatl akin kipiya lepra

¿Tleka Jesús kinamiki matekiuajti? (MARCOS 1:40-42)

ToTajtsin iTekiuajyo se tekiuajyotl tlen onka iluikak. Kintekipatlas nochimej tlanauatijkej niman nochiuas tlen toTajtsin kineki ipan iluikak niman ipan tlaltikpaktli. ToTajtsin kijtoua ika melak kualtsin tlen kichiuas yejuin Tekiuajyotl. ToTajtsin iTekiuajyo kichiuas ika tlaltikpakchanejkej makipiyakan se akin kuajli kinyekanas. Yejuin Tekiuajyotl kinsentlalis akin chantij ipan tlaltikpaktli. Xkita Daniel 2:44; Mateo 6:9, 10; 24:14.

Se tekiuajyotl noneki kipiyas se tekiuaj. Jehová okitlapejpeni iKoneuj, Jesucristo, yejua matlayekana. Xkita Apocalipsis (Revelación) 11:15.

Xkita video ¿Tlenon kijtosneki iTekiuajyo toTajtsin?

2. ¿Tleka Jesús kinamiki yejua matekiuajti?

ToTajtsin iKoneuj kinamiki matekiuajti pampa yejua yolkuajli niman kichiua tlen melauak (Mateo 11:28-30). Noijki kipiya ueyi ikojtilis tlen ika kinpaleuis tlaltikpakchanejkej ijkuak uajtlanauatijtos ipan tlaltikpaktli. Ijkuak oyoliuj oyaj iluikak, niman yeuatoya iyekmakopa Jehová kichiatoya makijli kemanon peuas tekiuajtis (Hebreos 10:12, 13). Sakin toTajtsin okijli mapeua matlanauati. Xkita Daniel 7:13, 14.

3. ¿Akinomej tekiuajtiskej iuan Jesús?

Nemij akin kintokayotiaj ‘tlapejpeniltin’, yejuamej akin iuan tlanauatiskej Jesús ipan iluikak (Daniel 7:27). Itlatitlankauan Jesús, yejuamej sekimej akin kachtopa opeuj okintlapejpenijkej. Jehová ok kintlapejpenijtok tlakamej niman siuamej yolmelaujkej ipan yejuin tonajli. Ijkon ken Jesús, yoliuiskej niman nemiskej iluikak. Xkita Juan 14:1-3 niman 1 Corintios 15:42-44.

¿Kechmej yaskej iluikak? Jesús okintokayoti ‘xmiyekej’ (Lucas 12:32). San 144,000 uajtlanauatijtoskej iuan Jesús ne iluikak. Xkita Apocalipsis 14:1.

4. ¿Tlenon opanok ijkuak Jesús opeuj tlanauatia?

Nomachtijtika Biblia

ToTajtsin iTekiuajyo opeuj tlanauatia ipan 1914.a Ijkuak Jesús opeuj tekiuajti, kachtopa okinuajxini ipan tlaltikpaktli Satanás niman xkuakualtin espíritus. Satanás melak okualan niman opeuj kichiua maonia tlauejli ipan nochi tlaltikpaktli (Apocalipsis 12:7-10, 12). Kuakon tlaltikpakchanejkej opeujkej kipiyaj tlajyouilistli. Guerras, apistli, kokolistli tlen nosemoyaua niman tlalolinalistin tlen panotokej, techititia ika sa achijtsin poliui ika iTekiuajyo toTajtsin noijki peuas kiyekanas tlaltikpaktli. Xkita Lucas 21:7, 10, 11, 31.

5. ¿Tlenon kichiuas iTekiuajyo toTajtsin?

Ipan nochi tlaltikpaktli noteijlitika tlen kualtsin toTajtsin techijlia, niman ika yejon, iTekiuajyo toTajtsin kichiujtok ika melak miyekej tlaltikpakchanejkej manemikan ika yolseuilistli. Miyekej akin yolyemankej nokauiliaj makinyekana Jesús. ToTajtsin iTekiuajyo kintlajpiyas yejuin yolyemankej ijkuak kipopolos tlen nochiujtika ipan tlaltikpaktli. Kuakon, nochimej akin kinekij nopaleuiskej itech iTekiuajyo toTajtsin noneki kitlakamatiskej Jesús niman nokauiliskej makinyekana. Xkita Apocalipsis 7:9, 14, 16, 17.

Tlaltikpakchanejkej akin kiselijtokej iTekiuajyo toTajtsin ipan Xochitlalpan

Ipan mil xiuitl, iTekiuajyo toTajtsin kichiuas tlen kinekiya inpampa tlaltikpakchanejkej. Nochi tlaltikpaktli nokuepas se xochitlalpan. Ijkuak tlamis mil xiuitl, Jesús kikauas itekiyo niman itaj yes akin oksejpa tekiuajtis (1 Corintios 15:24-26). ¿Tikixmati yakaj akin kuelitaskia kimatis tlen kichiuas iTekiuajyo toTajtsin? Xkita Salmo 37:10, 11, 29.

Tla tikneki tikmatis okseki itech yejuin, xkita ipan capítulos 8 niman 9 itech amoxtli ¿Tlenon melauak temachtia Biblia?

a Tiknextis kenon onochiuj tlen yonoijtoka itech xiuitl 1914, ipan páginas 215-218 itech amoxtli ¿Tlenon melauak temachtia Biblia?

    Amatlajkuiloltin ika Náhuatl de Guerrero (2006-2025)
    Nikisas
    Nikalakis ika nocuenta
    • náhuatl de guerrero
    • Xtetitlanili
    • Ken tikneki manesi
    • Copyright © 2025 Watch Tower Bible and Tract Society of Pennsylvania
    • Ken noneki notekitiltis
    • Ken notlajpiyaj modatos
    • Xpatla ken notekitiltiaj modatos
    • JW.ORG
    • Nikalakis ika nocuenta
    Xtetitlanili