¿Tlenon uelis tiktlayokoliskej Jehová?

SE TONAJLI, Jesús okijto: “Más paki on yejuan kitemaka xken on yejuan kiselia” (Hech. 20:35). Tejuamej akin touikaj iuan Jehová tikitaj ika yejuin melauak. ¿Tleka tikijtouaj yejuin? Jehová yotechmakak miyek tlemach tlen techyolpaktia, san ika, ok melak tiyolpakiskej tla tejuamej tiktlayokoliaj itlaj. ¿Tlenon uelis tikmakaskej? Proverbios 3:9 kijtoua: “Xueyichiua Jehová ika nochi tlemach tlen patioj tikpiya”. Yejuin “tlemach tlen patioj” kijtosneki totiempo, tlen ueli tikchiuaj, tochikaualis niman tlen tikpiyaj. Ijkuak tijkuij tlen tikpiyaj niman ijkon titlapaleuiskej ipan tlaneltokijli tlen melauak, itlaj tiktlayokolijtokej Jehová, niman yejuin melak techyolpaktia.

¿Tlenon techpaleuis maka tikilkauaskej tikmakaskej Jehová itech tlen tikpiyaj? Pablo, itlatitlankauj Cristo, okimijli corintios ika makixelokan seki itech tlen kitlaniyaj niman ijkon kitemakaskej (1 Cor. 16:2). Tla tikneki tikmatis okseki itech kenon uelis tiktemakas motomintsin kampa tejua tichanti, xkita recuadro tlen onka tlatsintlan.

Tomintsin tlen notemaka ipan Internet, xuelis nochiuas ipan nochi países. San ika, ipan página ipan Internet donate.jw.org, kijtoua kenon uelis tiktemakas motomin. Ipan seki países, yejuin página kipiya se amatl tlen kinnankilia tlen miyekej notlajtoltiaj itech kenon kitemakaskej intomintsin.