Job oyolmelaujkanen maski okixnamik tlatlatalistin

Job onen Uz ijkuak israelitas nemiyaj ken tlakeualtin ipan Egipto. Maski yejua xisraelita katka, kiueyichiuaya Jehová ika yolmelaujkanemilistli. Kipiaya ueyi ifamilia niman miyek tlemach tlen patioj. Melak kitlakaitayaj ipan ikalpan, pampa kitayaj ika melak tlamachilise niman melajki. Noijki, melak kinpaleuiaya akin xkipiayaj tomin niman akin itlaj kinpolouaya. Job katka se tlakatl yolmelaujki.

Job okiteititi ika Jehová melak ueyi kijtosnekiya ipan inemilis

1:8-11, 22; 2:2-5

• Diablo okitak ika Job katka se tlakatl yolmelaujki niman ika xkikauaya toTajtsin. Xokijto tla xkitlakamatiya Jehová. Yejua okijto ika kitlakamatiya, san ika, xkitlasojtlaya.

• Satanás okijto ika Job kitekichiuiliaya toTajtsin pampa kimakaya nochi.

• Jehová okikauili Satanás makichiuili tlen xkuajli niman ijkon noitaskia tla yemelak tlen okijto itech, kuakon, Satanás melak okitlajyouilti Job.

• Pampa Job oyolmelaujkanen, kuakon, Satanás okijto ika tlaltikpakchanejkej kitlakamatij toTajtsin, san ika, xkitlasojtlaj.

• Job nochipa kuajli otlajto itech toTajtsin niman xokitlajtlakolti itech tlen xkuajli kixnamiktoya.