Ijkuak techselia se konetl

Tla technankilia se konetl, matiktlajtoltikan tla uelis tonojnotsaskej iuan itajuan, pampa ijkon tikteititiskej ika tiktlakaitaj akin kiyekana (Pr 6:20). Tla konetl techijlia matipanokan, maka matiknekikan. Tla itajuan xuelij touan nonojnotsaskej, matikimitatij okse tonajli.

Maski tla telpochtli noso ichpochtli, matiktlajtoltikan tla uelis tonojnotsaskej iuan itajuan. Tla itajuan xueliskej, matiktlajtoltikan tla kikauiliaj kamapouas tlen yejua kitlapejpenia. Tla kema, matikmakakan se amatlajkuilojli niman matikititikan ken kalakis ipan jw.org.

Ijkuak tokuepaskej tikontlajpaloskej se telpochtli noso ichpochtli akin okinek kimatis okseki, matikijlikan ika tiknekiskiaj tikimixmatiskej intajuan. Ijkon, uelis tikimijliskej tleka tikontlajpalouaj niman kenon itlajtolpaleuilisuan Biblia kinpaleuiya familias (Sl 119:86, 138). Tla tikintlakaitaj niman titlanemiliaj inpampa, kichiuas kuajli matechitakan niman techkauilis matikiminojnotsakan nochimej ichanejkauan itech kuajli tlajtojli okse tonajli (1Pe 2:12).