“Iueuentsin melak kixmatij kampa kalakilo ipan ueyikalpan”

Se kuajli tesiuauj tepaleuiya ika oksekimej kuajli makitakan iueuentsin. Ipan itonaluan tekiuaj Lemuel, se tlakatl akin kipiaya kuajli isiuauj “melak kixmatij kampa kalakilo” (Pr 31:23). Ipan yejuin tonajli, tlayekankej niman tlapaleuijkej melak kintlakaitaj. Tla yononamiktijkej, uelis melak tepaleuiskej tla insiuauan kinpaleuiyaj niman kichiuaj tlen kuajli (1Ti 3:4, 11). Yejuin tokniuan siuamej inueuentsitsinuan melak kintlasojtlaj niman noijki tokniuan ipan tlanechikojli.

¿Kenon tepaleuiya se kuajli tesiuauj ika iueuentsin kuajli matekiti ipan tlanechikojli?

• Kiyolchikaua ika kuajli tlajtoltin (Pr 31:26).

• Kasikamati ika iueuentsin kipiya ika kixelos tonaltin niman ijkon kitas seki tlemach itech tlanechikojli (1Te 2:7, 8).

• Nemi san ika tlen noneki (1Ti 6:8).

• Xkitlajtoltia itech tlemach tlen xnoneki nomatis itech tlanechikojli (1Ti 2:11, 12; 1Pe 4:15).