Ipan septiembre, amatsintli Tlen Tomachtiskej peuas kuajkuis se yenkuik kenon titlajtolmoyauaskej tlen itoka “Matitemachtikan tlen melauak”. Ika se tlajtoltilistli niman ika se texto tikteititiskej tlen melauak itech Biblia.

Tla tikitaj ika yakaj kineki kimatis okseki, matikchiuakan ika maonia tlen iuan titlajtoskej ijkuak oksejpa tokuepaskej, tla tijkauiliaj se amatlajkuilojli noso tla tikititiaj se video itech jw.org. Matochikauakan tokuepaskej, ijkon oksejpa iuan tonojnotsaskej. Yenkuik ken tikintetekiuiltis amatlajkuiloltin noijki notekitiltis ipan Xmomachti melak kuajli xtenojnotsa. Ken yenkuik peuas titenojnotsas niman tlen kipanoltiskej nomachtijkej nokixtis itech amoxtli ¿Tlenon melauak temachtia Biblia? Kampa kijtoua “Tlen Biblia temachtia” tlen uajlauj sa itlamiyan capítulo. Melak techpaleuis ijkuak oksejpa tontetlajpaloskej noso titemachtiskej san ika Biblia.

Onka san se ojtli tlen teuika itech nemilistli (Mt 7:13, 14, TNM). Pampa akin tikinnojnotsaj miyek tlemach tlen kineltokaj niman ualeuaj miyekan, matikchiuakan makinekikan kikakiskej tlen melauak itech Biblia (1Ti 2:4). Tla itikixmatstiuej miyek tlemach itech tlenon tlajtoua Biblia niman kuajli tiktekitiltiaj “tlen melauak” itech iTlajtol toTajtsin, melak tiyolpakiskej niman melak kuajli techkakiskej (2Ti 2:15).

Ipan nochi tlaltikpaktli, nochimej tiknekij matechyolseuikan (Ec 4:1). Ipan metstli septiembre, melak matochikauakan matiktetekiuiltikan Amatl Tekakistilijketl tlen tlajtoua itech yolseuilistli. Matochikauakan matikteijlikan itech tlen tlajtos yejon revista. San ika, pampa tiknekij tikinyolseuiskej, tiknekij tikinmakaskej revista ipan inma. Ika yejon, xtikinkauaskej revistas ipan kaltin kampa xakaj nemi.

TLENON TIKIJTOS

“Tinochimej tiknekij kemantika matechyolseuikan, san ika, ¿kanon uelis tiknextiskej? [Xpoua 2 Corintios 1:3, 4]. Yejuin Amatl Tekakistilijketl techtomilia kenon techyolseuiya toTajtsin”.

Tla akin tiknojnotstika kineki okseki kimatis niman kiselia revista:

XKITITI VIDEO ¿TLEKA NONEKI TIMOMACHTIS BIBLIA?

Sakin xtekiuilti se tlamachtijli itech Biblia.

XCHIUA IKA MAONIA TLEN IUAN TITLAJTOS IJKUAK TIMOKUEPAS

Xkaua se tlajtoltilistli tlen nonankilis ijkuak timokuepas tikontlajpalos, ken: ¿Tleka toTajtsin techkauilia matitlajyouikan?