Xtetlajtolti

Mateo 16:13-16

TLEN TIUELIS: Ika tetlakaitalistli xkintlajtolti tlen kichiuas mamitskakikan, matlanemilikan niman kuajli kimititis tlen ueyi kijtosneki, yejuin kichiuas ika ompa matlakaktokan.

KENON TIKCHIUAS:

• Xchiua ika ok mamitskaktokan. Xtetlajtolti itlaj tlen kichiuas ika akin mitskaktokej, makinekikan okseki kimatiskej niman noijki makinemilikan kenon kinankiliskej tlen otitetlajtolti.

• Xkintlanemililti itech se tlamachtijli. Xchiua ika akin mitskaktokej matlanemilijtiakan ipan tlen tikintlajtoltijtiuj niman ijkon sa no yejuamej manonankilikan niman makasikamatikan yejon tlamachtijli.

• Kuajli xteititi tlen ueyi kijtosneki. Ijkuak xitikimijtoua tlajtoltin tlen melak noneki manasikamatikan, xtetlajtolti tlen kichiuas ika makinekikan okseki kimatiskej. Ijkuak yotikijto tlen melak noneki noso ijkuak itiktlamiltis motlamachtil, xtetlajtolti tlen kichiuas makilnamikikan tlen ueyi kijtosneki.