Tinochimej uelis titenojnotsaskej niman titemachtiskej

Moisés kimachiliaya ika xueliskia kichiuas tlen toTajtsin yokinauatijka (Éx 4:10, 13). ¿Ijkon yotimomachilijka? ¿Timomachtijtika imiuan iteixpantijkauan Jehová niman xtikmati tla tiuelis titenojnotsas techajchan? ¿Titelpochtli niman mitsmojtia titenojnotsas kampa timomachtia? ¿Mitstekiyomaka titenojnotsas ipan teléfono noso kampa tojlan? Xtlajtlanili Jehová mamitspaleui ika iespíritu santo (1Pe 4:11). Kuajli xmatsto ika Jehová mitspaleuis xchiua tlen yejua yomitsnauati (Éx 4:11, 12).

XKITAKAN VIDEO XMOYOLCHIKAUAKAN, TENOJNOTSKEJ, SAKIN XNANKILIKAN YEJUIN:

• ¿Tlenon okixnamik tokniuj Aoyama?

• ¿Tlenon okipaleui mayolchikaui? (Jer 20:7-9).

• ¿Tlenon kualtsin opanok pampa más kuajli opeuj kitekichiuilia Jehová?

• ¿Tlenon mitstekiyomaka ijkuak titenojnotsa niman kenon Jehová uelis mitspaleuis?