Xtlapejpeni tiktekichiuilis Jehová

Tla tejua ititenojnotsa noso kemach timomachtijtika Biblia, ¿yotiknemili timoapolaktis? ¿Tleka noneki ijkon tikchiuas? Pampa tla timosentemaka itech Jehová niman timoapolaktia kuajli iuan timouikas, niman yejon mitspaleuis xmakisa (Sl 91:1; 1Pe 3:21). ¿Tlenon noneki tikchiuas tla tikneki timosentemakas niman timoapolaktis?

Kuajli xneltoka ika yejuin tlen melauak. Tla xtikmati, xmomachti (Ro 12:2). Tla noneki timopatlas, xchiua pampa tikneki tikyolpaktis Jehová (Pr 27:11; Ef 4:23, 24). Xtlajtlanili Jehová mamitspaleui niman kuajli xmatsto ika yejua mitspaleuis ika iespíritu santo (1Pe 5:10, 11). Noneki tokojtiliskej tiktekichiuiliskej Jehová, pampa san yejon tlen melak teyolpakti (Sl 16:11).

XKITAKAN VIDEO TLEN OKINPALEUI MANOAPOLAKTIKAN, SAKIN XNANKILIKAN YEJUIN:

• ¿Tlenon yokixnamijkej sekimej niman ijkon noapolaktiskej?

• Tla tikneki timosentemakas itech Jehová, ¿kenon uelis tikchikauas motlaneltokil?

• ¿Tleka miyekej yonoapolaktijkej?

• ¿Kenon kinteochiua Jehová akin kitlapejpeniaj kitekichiuiliskej?

• ¿Tlenon kijtosneki timosentemakas niman timoapolaktis?