Xteijli tlen tepaleuis

Tlen okichiuj Jesús

VIDEO: Jesús tlajtoua iuan se siuatl kampa oatlakuito

1. Xkita VIDEO noso xkamapoua Juan 4:​6-9. Tla ijkon yotikchiuj, aman xkinnankili yejuin:

1. ¿Tlenon kachtopa okitak Jesús niman ijkon peuas tlajtos iuan on siuatl?

2. Jesús okijli: “Xnechmaka atl”. ¿Tleka melak kuajli ken opeuj iuan tlajtoua?

¿Tlenon tiuelij itech ken Jesús okichiuj?

2. Uelis más kuajli titlajtoskej iuan yakaj tla tikijliaj tlen yejua kuelita noso tlen kimatisneki.

Xchiua ken Jesús

3. Xpapatla tlen tikijtos. Ijkuak peuas yakaj tiknotsas, xnekto titlajtos itech tlen yejua kuelitaskia kimatis niman xtlen tejua yotiknemilijka tikijtos. Xmotlajtolti:

1. “¿Tlenon noijtoua ipan noticias?”.

2. “¿Itech tlenon tlajtouaj akin imiuan ninomachtia, akin imiuan nitekiti noso novecinos?”.

4. Xtlatlachia. Xmotlajtolti:

1. “¿Tlenon kichiujtika akin nikneki iuan nitlajtos? ¿Tlenon kinemilijtika?”.

2. “¿Itlaj nechititia itlaken, itlachialis niman ken kipiya ichan? ¿Kanaj ipampa yejon uelis nikmatis kanon ualeua niman tlenon kineltoka?”.

3. “¿Uelis nechkakis?”.

5. Xtekaki.

1. Maka sajnoye xtlajtlajto.

2. Xkauili mamitsijli tlen kinemilia akin iuan titlajtotika. Niman ijkuak uelis, itlaj xtlajtolti.