ITlajtol toTajtsin uelis techpaleuis
“Nochi Yektlajkuilojli itech Dios ualejtikaj” (2 Timoteo 3:16). Ijkuak kijtoua ika “itech Dios ualejtikaj” kijtosneki ika toTajtsin okichiuj ika tlakamej makijkuilokan ipan Biblia tlen yejua kinemilia.
ToTajtsin kineki matikmatikan tlen yejua techmachtia
“Nejua, Jehová [...], Akin mitsmachtia kuajli xnemi, Akin mitsyekana ipan ojtli kampa noneki tinejnemis. ¡San tla tikinkakiskia notlanauatiluan! Kuakon moyolseuilis yeskia ijkon ken se atentli, niman momelajkayo ken mar tlen koxontika” (ISAÍAS 48:17, 18, TNM).
ToTajtsin kineki ijkon matikchiuakan. Yejua kineki techpaleuis matinemikan ika toyojlo niman nochipa matipakikan.
Uelis tikmatiskej tlen toTajtsin techmachtia
“On kuajli tlajtojli yejuan kiteijlia ken Dios temakixtia achtoj noteijlis nochiuiyan ipan nochi naciones” (MARCOS 13:10).
Yejon “kuajli tlajtojli” techijlia ika toTajtsin kipopolos nochi tlen techtlajyouiltia, kikuepas yejuin tlaltikpaktli se xochitlalpan niman ika oksejpa kinyolitis tochanejkauan niman toamigos akin yomijkej. Iteixpantijkauan Jehová kiteijliaj tlen Biblia temachtia ipan nochi tlaltikpaktli.