TLAMACHTIJLI 27
Jesús omik topampa
Kachtopa tlakatl niman kachtopa siuatl, Adán iuan Eva, xokitlakamatkej toTajtsin. Ika yejon, tejuamej titlajtlakouaj, titlajyouiyaj niman timikij.a San ika, xnochipa ijkon tinemiskej, Jehová okuajtitlan iKonetsin, Jesús, niman ijkon matechmakixtiki itech tlajtlakojli niman mikilistli. Biblia kijtoua ika ijkuak Jesús omik topampa, kentla otlatlaxtlauj ika inemilis tlen xkipiaya tlajtlakojli niman ijkon matimakisakan itech tlajtlakojli niman mikilistli (xkita Mateo 20:28). Ijkuak Jesús ouajlajka ipan tlaltikpaktli, ueliskia kitlapejpenis xkitemakas inemilis topampa niman nochipa nemis. San ika, yejua xijkon okichiuj. Yejua okinek ika tejuamej oksejpa matikpiyakan tlen Adán iuan Eva xokitlasojkaitakej. Jesús otechititi ika yejua iuan Jehová melak techtlasojtlaj. Yejuin tlamachtijli techpaleuis más matiktlasojkamatikan tlen Jesús okichiuj topampa.
1. ¿Kenijki techpaleuiya pampa Jesús omik topampa?
Pampa titlajtlakolejkej, miyekpa tikchiuaj tlen xkuelita Jehová. San ika, uelis iuan touikaskej tla melauak toyolkuepaj niman tla tiktlajtlaniliaj matechtlapopolui itechkopa Jesús. Noijki uelis touikaskej iuan toTajtsin tla tokojtiliaj xok tikchiuaskej tlen yejua xkuelita (1 Juan 2:1). Biblia kijtoua: “Cristo otlajyouij niman omik ipampa tlajtlakojli. Yejua omik san sejpa para nochipa. Yejua yejuan xokipix tlajtlakojli, omik topampa yejuan xtiyolmelajkej para otechuikak itech Dios” (1 Pedro 3:18).
2. ¿Tlenon nochiuas ika tlayekapan pampa Jesús omik topampa?
Jehová okuajtitlan Jesús “para nochi on akin kineltokas xpoliuis, yej kipiyas nemilistli para nochipa” (Juan 3:16). Pampa Jesús omik topampa, Jehová kipopolos tlajtlakojli niman tlen techtlajyouiltia. Tla tejuamej titlaneltokaj itech tlen Jesús okichiuj topampa, uelis tikpiyaskej nemilistli tlen xkeman tlamis nikan ipan tlaltikpaktli kampa melak tlakualtsinkan yes (Isaías 65:21-23).
OKSEKI XKASIKAMATI
Más kuajli matikasikamatikan tleka Jesús omik topampa niman kenijki mitspaleuiya tlen okichiuj.
3. Imikilis Jesús techmakixtia itech tlajtlakojli niman mikilistli
Xkitakan VIDEO niman xtlajtokan itech yejuin:
¿Tlenon opanok pampa Adán xokitlakamat Jehová?
Xkitakan Romanos 5:12 niman xtlajtokan itech yejuin:
¿Tlenon topan nochiua pampa Adán xotetlakamat?
Xkitakan Juan 3:16 niman xtlajtokan itech yejuin:
¿Tleka Jehová okuajtitlan iKonetsin ipan tlaltikpaktli?
Adán xtlajtlakole katka, san ika, ijkuak xokitlakamat toTajtsin, okichiuj ika nochimej ikoneuan makipiyakan tlajtlakojli niman mamikikan.
Jesús xtlajtlakole katka niman okitlakamat toTajtsin. Ika yejon, miyekej uelis kipiyaskej nemilistli tlen xkeman tlamis niman xok kipiyaskej tlajtlakojli.
4. Tinochimej uelis techpaleuis imikilis Jesús
Xkitakan VIDEO niman xtlajtokan itech yejuin:
¿Tleka tikijtouaj ika imikilis san se tlakatl uelis nochimej kinmakixtis?
Xkitakan 1 Timoteo 2:5, 6 niman xtlajtokan itech yejuin:
Jesús xtlajtlakole katka ijkon ken Adán, ika yejon, ¿tlenon ouel okichiuj?
5. Jehová okitemakak iKonetsin mopampa
Akin nouikaj iuan Jehová kineltokaj ika yejua okitemakak iKonetsin inpampa. Biblia kiteneua se tlakatl akin ijkon kineltokaya. Xkitakan Gálatas 2:20 (TNM), niman xtlajtokan itech yejuin:
¿Tlenon techititia ika apóstol Pablo kuajli kineltokaya ika Jehová okitemakak iKonetsin ipampa?
Adán omik pampa otlajtlako, ika yejon, tejuamej akin tiikoneuan, noijki timikij pampa yejua otechpanoltili tlajtlakojli. San ika, Jehová okuajtitlan Jesús mamikiki mopampa niman ijkon uelis tikpiyas nemilistli tlen xkeman tlamis.
Ijkuak tikimitas yejuin textos, xnemili kenijki onomachili Jehová ijkuak okitak ika iKonetsin melak otlajyoui. Xkitakan Juan 19:1-7 niman 16-18 (TNM), niman xtlajtokan itech yejuin:
¿Kenijki timomachilia ijkuak tikmati tlen Jehová niman Jesús okichiujkej mopampa?
SEKIMEJ UELISKIA KIJTOSKEJ: “¿Tleka imikilis Jesús uelis miyekej kinmakixtis?”
¿Tejua tlenon tikijtoskia?
TLEN OTIUEL
Pampa Jesús omik topampa, Jehová ueli techtlapopoluiya niman uelis techmakas se nemilistli tlen xkeman tlamis.
¿Kenon titlanankiliskia?
¿Tleka omik Jesús?
¿Tleka Jesús ouel otechmakixti itech mikilistli niman tlajtlakojli?
¿Kenijki mitspaleuiya imikilis Jesús?
OKSEKI XKITA
Xkita tleka Jesús ouel otechmakixti.
“¿Tleka noijtoua ika Jesús miyekej okinmakixti?” (Tlamachtijli de jw.org)
Xkita tlenon noneki tikchiuaskej niman ijkon uelis timakisaskej.
¿ToTajtsin kintlapopoluiya akin kichiuaj tlen melak xkuajli?
“Tlen miyekej notlajtoltiaj itech Biblia” (Amatl Tekakistilijketl, 1 de mayo de 2013)
Xkita kenijki okipaleui se tlakatl ijkuak okasikamat tlen Jesús okichiuj topampa.
“Xok nijkauilia manechyekana notlauel” (Tlamachtijli de jw.org)
a Tlajtojli tlajtlakojli xsan kijtosneki ijkuak yakaj kichiua tlen xkuajli, noijki kijtosneki tlen kichiua matiknekikan tikchiuaskej tlen xkuajli.