BIBLIOTECA IPAN INTERNET Watchtower
Watchtower
BIBLIOTECA IPAN INTERNET
náhuatl de guerrero
  • BIBLIA
  • AMATLAJKUILOLTIN
  • TLANECHIKOLTIN
  • lff tlamachtijli 7
  • ¿Tlenon kijtoua Biblia itech Jehová?

Xonka video tlen otiktlapejpeni.

Xtechtlapopolui, xueli tlapoui video.

  • ¿Tlenon kijtoua Biblia itech Jehová?
  • ¡Nochipa uelis tiyolpakis! Xkita tlen Biblia temachtia
  • Subtítulos
  • Okseki ken yejuin
  • OKSEKI XKASIKAMATI
  • TLEN OTIUEL
  • OKSEKI XKITA
  • ¿Tlenon kualtsin kichiua Jesús?
    ¡Nochipa uelis tiyolpakis! Xkita tlen Biblia temachtia
  • Nochipa xpiyakan “yenkuik nemilistli” maski yonemoapolaktijkej
    Amatl Tekakistilijketl kiteijlitika iTekiuajyo Jehová (tlen tomachtiaj) 2022
  • ¿Akinon toTajtsin?
    ¿Tlenon kineki toTajtsin matikchiuakan?
¡Nochipa uelis tiyolpakis! Xkita tlen Biblia temachtia
lff tlamachtijli 7
Tlamachtijli 7. Se tlakatl nemi itenko mar niman konitstika kenijki kalaki tonaltsintli.

TLAMACHTIJLI 07

¿Tlenon kijtoua Biblia itech Jehová?

Ika amatl
Ika amatl
Ika amatl

¿Tejua tlenon tiknemilia itech Jehová? ¿Tiknemilia ika yejua melak ueyixtika niman ika xuelis tikixmatiskej? Miyekej ijkon kinemiliaj, niman noijki kijtouaj ika toTajtsin melak uejka nemi, ijkon ken sitlalimej melak uejka nokauaj itech tlaltikpaktli. ¿Noso tiknemilia ika Jehová melak kojtik niman xtetlasojtla? ¿Kenijki toTajtsin Jehová? Ipan Biblia, Jehová techijlia kenijki yejua niman ika melak techtlasojtla.

1. ¿Tleka xueli tikitaj toTajtsin?

Biblia kijtoua: “Dios yejua Espíritu” (Juan 4:​24). Jehová xijkon ken tejuamej, yejua xkipiya itlalnakayo nion iomiyouan. Yejua se espíritu niman chanti iluikak noso cielo. Niman kampa yejua chanti noijki xueli tikitaj.

2. ¿Tlenon más kijtoua Biblia itech Jehová?

Maski xueli tikitaj toTajtsin, uelis tiktlasojtlaskej pampa yejua melak kuajli iyojlo. Biblia kijtoua: “ToTEKO kitlajsojtla on tlen melauak niman melajki” (Salmo 33:5). Jehová noijki sajnoye tetlasojtla niman teikneliani. Yejua melak kinpaleuiya akin tlajyouijtokej (Santiago 5:​11). Jehová nemi nisiuj intech akin noyolkokouaj niman kinyolseuiya akin melak najmanaj (Salmo 34:​18). ¿Tikmatstoya ika uelis tikyolpaktiskej Jehová noso tikyolkokoskej? Akin kichiuaj tlen xkuajli kiyolkokouaj Jehová (Salmo 78:​40, 41). San ika, akin kitlakamatij melak kiyolpaktiaj (xkita Proverbios 27:​11).

3. ¿Kenijki techititia Jehová ika techtlasojtla?

ToTajtsin Jehová melak techtlasojtla. Biblia kijtoua ika “yejua tetlajsojtlalistli” (1 Juan 4:8). Jehová techititia ika techtlasojtla pampa yotechmakak iTlajtoltsin niman noijki miyek tlemach tlen kualtsin (xkita Hechos 14:​17). Pampa toTajtsin kineki matiyolpakikan, okichiuj matiuelikan matikimitakan kualtsitsintin colores, matikuelilikan tlen tijkuaj niman matikinuelkakikan tlakuikaltin. Yejua melak kualtsin ken otexchijchiuj.

OKSEKI XKASIKAMATI

Matikitakan tlenon kitekitiltia Jehová niman ijkon kichiuas tlen yejua kineki. Noijki matikitakan kenijki techititia ika kuajli iyojlo.

4. Espíritu santo: ikojtilis toTajtsin

Miyek tlaixkopinaltin: Tlen toTajtsin okichijchiuj ika iespíritu santo. 1. Planetas niman universo. 2. Se tlakatl kijkuiloua iTlajtol toTajtsin.

Ijkuak tejuamej titekitij, tikintekitiltiaj tomauan, san ika ¿tlenon kitekitiltia Jehová niman ijkon kichiuas tlen kineki? Yejua kitekitiltia iespíritu santo. Miyekej kijtouaj ika espíritu santo yoltika, san ika, Biblia kijtoua ika espíritu santo ikojtilis toTajtsin. Xkitakan Lucas 11:​13 niman Hechos 2:​17, niman xtlajtokan itech yejuin:

  • Ken yotikonitakej, Jehová kinmakas iespíritu santo nochimej akin kitlajtlaniliskej. ¿Tikijtoskia ika espíritu santo yakaj akin yoltika, noso tiknemilia ika ikojtilis toTajtsin? ¿Tleka ijkon tiknemilia?

Ika iespíritu santo, Jehová ueli kichiua miyek tlemach tlen kualtsin. Xkitakan Job 33:4 niman 2 Pedro 1:​20, 21, niman xtlajtokan itech yejuin:

  • ¿Tlenon yokichiuj Jehová ika iespíritu santo?

Miyek tlaixkopinaltin: Tlen toTajtsin okichijchiuj ika iespíritu santo. 1. Planetas niman universo. 2. Se tlakatl kijkuiloua iTlajtol toTajtsin.

5. Jehová kuajli iyojlo

Moisés kuajli okitekichiuili Jehová, maski ijkon, yejua kinekiya más kixmatis. Yejua ika, Moisés okijli: “Xnechimititi moojuiuan niman ijkon uelis nimitsixmatis” (Éxodo 33:​13, TNM). Jehová okinankili Moisés. Xkitakan Éxodo 34:​4-6 niman xtlajtokan itech yejuin:

  • ¿Tlenon okijto Jehová ijkuak otlajto iuan Moisés?

  • ¿Tlenon melak tikuelita itech Jehová?

6. Jehová techtlasojtla

Se siuatl kinotsa toTajtsin.

Israelitas melak tlajyouiayaj pampa egipcios chikauak kintekipanoltiayaj. ¿Kenijki nomachiliaya Jehová ijkuak kitaya ika melak tlajyouiayaj? Xkakikan GRABACIÓN niman xkitstiakan ipan nemobiblia, noso san xkitakan Éxodo 3:​1-​10. Tla yonenkichiujkej yejuin, aman xtlajtokan itech yejuin:

GRABACIÓN: Jehová okiyolkoko ijkuak okitak kenon tlajyouiayaj israelitas (2:​45)

  • ¿Kenijki nomachilia Jehová ijkuak kita ika yakaj tlajyouiya? (Xkitakan Éxodo 3:​7, 8).

  • ¿Tiknemilia ika Jehová melauak kineki techpaleuis? ¿Tiknemilia ika uelis techpaleuis? ¿Tleka ijkon tiknemilia?

7. Uelis tikixmatiskej Jehová tla tikitaj tlen yejua yokichijchiuj

Miyek tlaixkopinaltin: Se orca iuan ikonetsin. Seki xochimej niman se colibrí.

Ijkuak tikitaj tlen Jehová yokichijchiuj, ueli tikmatij kenijki yejua. Xkitakan VIDEO. Aman xkitakan Romanos 1:​20 niman xtlajtokan itech yejuin:

VIDEO: Tlen okichijchiuj Jehová techititia ika techtlasojtla: totlalnakayo (1:​57)

  • ¿Tlenon tiueli itech Jehová ijkuak tikita nochi tlen yejua yokichijchiuj?

SEKIMEJ KIJTOUAJ: “Xakaj ueli kita toTajtsin, ika yejon, xuelis tikixmatiskej”.

  • ¿Tejua tlenon tiknemilia?

  • ¿Niman tleka ijkon tiknemilia?

TLEN OTIUEL

Jehová se espíritu, ika yejon, xueli tikitaj. Jehová kuajli iyojlo niman melak techtlasojtla.

¿Kenon titlanankiliskia?

  • ¿Tleka xueli tikitaj Jehová?

  • ¿Tlenon on espíritu santo?

  • ¿Tikilnamiki tleka tikijtouaj ika Jehová melak kuajli iyojlo?

Xchiua yejuin

OKSEKI XKITA

Xkita tleka tikijtouaj ika Jehová kuajli iyojlo niman ika ueyixtika.

“¿Kenon yemelak toTajtsin?” (Amatl Tekakistilijketl, núm. 1 2019)

Xkita tlenon techititia ika Jehová xnochiuiyan nemi.

“¿Nochiuiyan nemi toTajtsin?” (Tlamachtijli de jw.org)

Xkita tleka Biblia kijtoua ika espíritu santo yeskia kentla “imauan” toTajtsin.

“¿Tlenon on espíritu santo?” (Tlamachtijli de jw.org)

Se tlakatl akin xtlachia kinemiliaya ika toTajtsin xkitlasojtlaya. Xkita tleka aman xok ijkon kinemilia.

“Aman nikmachilia ika uelis nikinpaleuis oksekimej” (Tlamachtijli itech Amatl Tekakistilijketl)

    Amatlajkuiloltin ika Náhuatl de Guerrero (2006-2025)
    Nikisas
    Nikalakis ika nocuenta
    • náhuatl de guerrero
    • Xtetitlanili
    • Ken tikneki manesi
    • Copyright © 2025 Watch Tower Bible and Tract Society of Pennsylvania
    • Ken noneki notekitiltis
    • Ken notlajpiyaj modatos
    • Xpatla ken notekitiltiaj modatos
    • JW.ORG
    • Nikalakis ika nocuenta
    Xtetitlanili