Xtekitilti nochi tlen kipiya libro ¡Nochipa uelis tiyolpakis!

Libro ¡Nochipa uelis tiyolpakis! melak kualtsin pampa kinuajkui videos niman pampa tlen ompa tetlajtoltia techpaleuiya matikmatikan tlenon kinemiliaj akin tikinmachtiaj. Niman melak techpaleuiyaj recuadros “Sekimej kijtouaj”, “Xchiua yejuin” niman “Okseki xkita”. San ika ¿tlenon okseki mitspaleuis ijkuak titemachtis ika yejuin libro? (Mateo 28:19, 20, TNM).

Videos niman amatlajkuiloltin. Tla tejua más tikuelita titemachtis ipan libro tlen onka ika amatl, ¿kanon uelis tikinnextis nochi amatlajkuiloltin niman videos tlen ika titemachtis? Xkita libro tlen onka ipan JW Library niman xtlapejpeni se sección. Hasta tlatsintlan tiknextis kampa kijtoua “Videos niman amatlajkuiloltin” niman ompa xpachouili (tlaixkopinajli 1).

“Edición impresa”. Tla titemachtia ipan libro tlen onka ipan JW Library, uelis tikitas kenon nesi amatlajkuilojli ika amatl. Ijkuak tinemis ipan se tlamachtijli, xpachouili kampa onka yeyi puntitos niman sakin xpachouili kampa kijtoua “Edición impresa”. Yejuin “Edición impresa” mitspaleuis xkilnamikto itech tlenon nentlajtojtokej. Tla oksejpa tikneki tikitas libro ken nesi ipan JW Library, xpachouili kampa onka yeyi puntitos niman sakin kampa kijtoua “Edición digital” noso xpachouili kampa yeualtik noso tepayoltik morado tlen onka tlatsintlan.

“¿Nikchiujtika tlen noneki?”. Yejuin recuadros tikinnextis itlamiyan sección 4. Ompa kijtoua tlenon noneki kichiuas yakaj akin kineki tenojnotsas niman noapolaktis (tlaixkopinajli 2).

Notas. Yejuin notas tikinnextis itlamiyan sección 4 niman ompa notetomilia tlen ueyi kijtosneki. Itlamiyan notas tlen kinpiya libro tlen onka ipan JW Library tiknextis kampa kijtoua “Oksejpa xmokuepa ipan tlamachtijli...”, yejuin mitspaleuis xmokuepa ipan tlamachtijli kampa nemomachtijtokej (tlaixkopinajli 2).