Ken uelis timomachtis

¿Tikuelita tikamapouas tlen inpan yonochiuj tokniuan tlakamej niman siuamej?

Se tokniuj iuan isiuauj mojmostla ika kualkan kiamapouaj se tlamachtijli itech inemilis se tokniuj. Yejuamej kijtouaj: “Melak tikuelitaj tikamapouaskej tlen inpan nochiua tokniuan pampa yejon melak techyolchikaua. Techilnamiktiaj ika tejuamej noijki uelis timelajkanemiskej itech Jehová maski san tlenon tikixnamikiskej”. Okse tokniuj siuatl noijki kinamapoua tlen inpan yonochiuj tokniuan ijkuak nomachtia. Yejua kijtoua: “Nochi tlen nikamapoua ajsi ipan noyojlo niman melak nechyolseuiya. Nikita ika tokniuan ika inyojlo nemij pampa kitekichiuiliaj Jehová. Tlen yejuamej kijtouaj nechyolchikaua más manitenojnotsa. Niman noijki nechititia kenon nikinpaleuis nokoneuan niman ijkon noijki makinekikan chikauak kitekichiuiliskej Jehová”.

Tla tikinamapoua tlamachtiltin kampa tokniuan tlajtouaj itech innemilis, mitspaleuis más xtekichiuili Jehová, mitspaleuis xkajkaua tlen xmás kuajli tikchiua niman mitspaleuis xmati kenon titlaxikos ika pakilistli. ¿Kanon uelis tikinnextis yejuin tlamachtiltin?

• Xtejtemo ipan jw.org noso ipan JW Library® kampa kijtoua “Tlamachtiltin”, sakin xpachouili kampa kijtoua “Tlen yokichiujkej iteixpantijkauan Jehová”.

• Ipan BIBLIOTECA TLEN ONKA IPAN INTERNET Watchtower^™ xtejtemo “Tlajtoua itech inemilis”.