¿Tleka melak nochiuaj guerras niman notlauelitalo?
Biblia techasikamachiltia tleka nochiuaj guerras, tleka noixnamikilo niman tleka xueli noteltiaj.
TLAJTLAKOJLI
ToTajtsin okinchijchiuj Adán iuan Eva para matetlasojtlakan niman kuajli manouikakan imiuan oksekimej ijkon ken yejua kichiua (Génesis 1:27; 1 Corintios 14:33; 1 Juan 4:8). San ika, yejuamej xokitlakamatkej toTajtsin niman otlajtlakojkej, ika yejon, aman tinochimej titlajtlakolejkej niman timikij (Romanos 5:12). Kuakon pampa titlajtlakolejkej tiknemilianij tlen xkuajli, niman kemantika hasta tikchiuaj yejon tlen tiknemiliaj niman tiktechiuiliaj tlen xkuajli (Génesis 6:5; Marcos 7:21, 22).
GOBIERNOS AKIN AMAN TLAYEKANAJ
ToTajtsin xotechchijchiuj para san tejuamej matoyekanakan. Biblia kijtoua ika “se tlaltikpakchane nion xkimati kanon cholos ijkuak nejnemi” (Jeremías 10:23, Traducción del Nuevo Mundo). Ika yejon, gobiernos xueli kichiuaj maka sa maoniakan guerras niman maka manotlauelitalo.
SATANÁS NIMAN IDEMONIOS
Biblia kijtoua ika Satanás “ipan ima kimpiya nochimej on tlakamej de in tlaltikpaktli” (1 Juan 5:19). Yejua xteiknelia niman kuelita temiktis (Juan 8:44). Satanás niman idemonios kichiuaj ika gente manotlauelitakan niman manoixnamikikan ipan guerras (Apocalipsis 12:9, 12).
Tejuamej xuelis tikchiuaskej ika gente makikajkauakan ika notlauelitaj niman manoixnamikikan ipan guerras, pero toTajtsin kema uelis kichiuas.