Nopopoloua 2 billones de dólares ipampa guerras | ¿Tlenon kijtoua Biblia?

Ipan 2022 onopopolo 2.24 billones de dólares ipan guerras, xkeman melak miyek tomin nopopolouaya. Niman aman ijkon onopopolo pampa Rusia okixnamik Ucrania. Ipan 2022, Stockholm International Peace Research Institute (Instituto Internacional de Estudios para la Paz de Estocolmo), okijto tlen opanok ipan yejon xiuitl:

• Ne Europa otlejkok 13 % ika onopopolo tomin ipan guerras. Yejuin xok keman panouaya desde ijkuak opanok Guerra Fría.

• “Otlejkok 9.2 % más ika Rusia okipopolo tomin ipan guerras”. Rusia katka ika makuijli país akin más kipopolouaya tomin ipan guerra, san ika, aman yejua ika yeyi país akin más kipopoloua.

• Estados Unidos ok yejua akin melak miyek tomin kipopoloua pampa itech nochi tomin tlen nopopoloua ipampa guerras ipan nochi tlaltikpaktli, yejua kipopoloua 39 %.

Ixtlamatki Nan Tian, akin noijki okijkuilo informe tlen okitemakak SIPRI, okijto: “Pampa aman melak miyek tomin nopopoloua ipan guerras, techititia ika tinemij ipan se tlaltikpaktli kampa melak xok tlakualkan”.

Biblia yokijtojka ika ipan yejuin tonaltin tekiuajkej melak noixnamikiskiaj. Noijki techijlia kenon uelis melauak tiyolseujtoskej.

Yonoijtoka ika nochiuaskiaj más guerras

• Biblia kijtoua ika aman tinemij itlamiyan tonaltin (Daniel 8:19).

• Amoxtli Daniel yokijtojka ika ipan yejuin tonaltin tekiuajkej melak noixnamikiskiaj. Okijto ika nouisokiskiaj pampa kinekiskiaj yejuamej más uejueyixtoskej. Niman pampa ijkon kichiuaskiaj, kipopoloskiaj “tlen más patioj” noso tomintsin (Daniel 11:40, 42, 43).

Tla tikneki okseki tikmatis itech teotlajtojli Daniel, xkita video Ken yonochiuj teotlajtojli tlen uajnestiuj ipan Daniel 11.

Kenon xok oniaskej guerras

• Biblia kijtoua ika toTajtsin kinpopolos nochi tekiuajkej. Yejua “kipeualtis sen reino yejuan xkaman kixoxotoniskej nion yakaj nación kikuilis, yej kimpojpolos on oksekimej reinos, niman ireino nokauas para nochipa” (Daniel 2:44).

• Xok uejkaujtipan, Jehováa kichiuas ika tinochimej melauak matiyolseujtokan, itlaj tlen tekiuajkej xkeman uelis kichiuaskej. ¿Kenon kichiuas? ITekiuajyo, tlen onka ne iluikak, kipopolos nochi tlen xkuajli nochiua niman tepostin tlen ika nouisokij (Salmo 46:8, 9).

Tla okseki tikneki tikmatis itech tlen kichiuas iTekiuajyo toTajtsin, xkamapoua tlamachtijli “ITekiuajyo toTajtsin kichiuas maonia yolseuilistli”.