Kenese
10 KO e matohiaga hanai he tau tama a Noa, ko Semu, mo Hamo, mo Iafeta; ne fanau foki e lautolu e tau tama ka kua mole atu e fakapuke.
2 Ko e tau tama a Iafeta; ko Komeru, mo Makoku, mo Metai, mo Iavano, mo Tupalu, mo Meseko, mo Tirasi.
3 Ko e tau tama foki a Komeru; ko Asekaneso, mo Rifata, mo Tokaremo.
4 Ko e tau tama foki a Iavano, ko Elisa, mo Tarasisa; ko Kitimo, mo Totanimo;
5 Ne vevehe ia lautolu nā e tau motu ne tu he hala kau tahi he tau motu kehe, ke he ha lautolu a kelekele, takitokotaha mo e hana vagahau; takitokotaha mo e hana magafaoa, ke he tau motu ha lautolu ni.
6 Ko e tau tama foki a Hamo; ko Kuso, mo Misaraimo, mo Futu, mo Kanana.
7 Ko e tau tama foki a Kuso; ko Sipa, mo Havila, mo Sapeta, mo Rahama, mo Sapeteka; ko e tau tama foki a Rahama, ko Sihipa mo Titano.
8 Ne fanau foki e Kuso a Nimarota; ko ia ne kamata ke eke mo toa ke he lalolagi;
9 Ko e toa foki a ia ke tutuli manu ki mua a Iehova; ko e mena ia ne pehe ai e kupu, Tuga na Nimarota ko e toa ke tutuli manu ki mua a Iehova.
10 Ko e mataulu foki he hana kautu ko Papelu ia, mo Areka, mo Akata, mo Kalehe, ke he motu ko Sinara.
11 Ko e motu foki ia ne fina atu ai a Asura, mo e ati e ia a Nineva, mo e māga ko Rehopo, mo Kala,
12 Mo Resema foki ha he vaha loto a Nineva mo Kala; ko e maga lahi haia.
13 Ne tupu mai foki ia Misaraimo e tau tagata Luti, mo e tau tagata Anama, mo e tau tagata Leapi, mo e tau tagata, Nafatuhi,
14 Mo e tau tagata Pateruse, mo e tau tagata Kaseluhi, (ne tutupu mai ai e tau tagata Filistia,) mo e tau tagata Kafatori.
15 Ne fanau foki e Kanana a Saitonu ko e hana tama uluaki, mo Heti,
16 Mo e tau tagata Iepusi, mo e tau tagata Amori, mo e tau tagata Kirekasi.
17 Mo e tau tagata Hivi, mo e tau tagata Areke, mo e tau tagata Sini,
18 Mo e tau tagata Arefati, mo e tau tagata Simari, mo e tau tagata Hamati; fakamui ne fakapaea fano e tau tagata Kanana.
19 Ko e katofia foki he tau tagata Kanana kua kamata ia i Saitonu ti hoko ni ki Kasa, ke he magahehala ki Kira; ti fano foki ki Sotoma, mo Komora, mo Atama, mo Sipoima, to hoko atu ki Lasa.
20 Ko e tau tama haia a Hamo, takitaha mo e hana magafaoa, takitaha mo e hana vagahau, ke he kelekele ha lautolu, mo e motu ha lautolu.
21 Ko Semu foki ne fanau e ia e tau tama, ko e tupuna a ia he fanau oti a Heperu, ko e matakainaga foki a Iafeta ko e motua.
22 Ko e tau tama a Semu; ko Elama, mo Asura, mo Afakasata, mo Luti, mo Arama.
23 Ko e tau tama a Arama; ko Usa, mo Hulo, mo Kiteru, mo Mase.
24 Ne fanau foki e Afakasata a Silaha; ne fanau foki e Silaha a Heperu.
25 Ne fanau foki e Heperu e na tama tokoua; ko e higoa he taha ko Peleko ia; ha ko e hana vaha ne vevehe ai e lalolagi; ko e higoa foki he hana matakainaga ko Ioketana ia.
26 Ne fanau foki e Ioketana a Alemotata, mo Salefo, mo Hasamoveta, mo Iaraha.
27 Mo Atoramo, mo Usala, mo Tikelu,
28 Ko Upalo foki, mo Apimaelu, mo Sihipa,
29 Mo Ofira, mo Havila, mo Iopapo; ko lautolu oti na ko e tau tama haia a Ioketana.
30 Ko e mena foki ne nonofo ai a lautolu kua kamata ia i Mesa mo e fahi ki Sifara, ko e mouga haia ke he fahi uta.
31 Ko e tau tama haia a Semu, takitaha mo e hana magafaoa, takitaha mo e hana vagahau, ke he kelekele ni ha lautolu, takitaha mo e hana motu.
32 Ko e tau magafaoa ia he tau tama a Noa, takitaha mo e hana matohiaga ke he tau motu ha lautolu; mai ia lautolu na foki e tau motu ne mavehevehe fano ke he lalolagi ka kua mole atu e fakapuke.