Tau Salamo

3 IEHOVA na e, kua fakatokologa lahi a lautolu kua favale mai kia au! Kua tokologa a lautolu kua tutu mai kia au.

2 Ne tokologa a lautolu kua pehe mai kia au, nakai fai fakamouiaga māna ke he Atua. Sila.

3 Ka ko koe, Iehova na e, kua eke a koe mo akau punuti haku; ko koe foki ko e haku a lilifu, kua fakatokoluga ai hoku ulu.

4 Ne ui au kia Iehova ke he haku a leo, ti fofoga mai ai a ia kia au mai he mouga tapu hana. Sila.

5 Ne takoto ni au, mo e mohe au; ne ala au, ha kua tokotū e Iehova au.

6 Nakai matakutaku au ke he tau tagata afe mo afe, ko lautolu kua tutu agaagai mai kia au.

7 Iehova na e, kia tu mai; haku Atua na e, fakamoui mai kia au; ha kua ta tuai e koe e tau pakakauloa ha lautolu oti ne fai fi kia au; kua fakifaki e koe e tau nifo ha lautolu kua mahani kelea.

8 Ha ha ia Iehova e fakamouiaga; ha ha i luga he hāu a tau tagata hāu a monuina. Sila.