Iesu “Uta Kehe e Hala he Lalolagi”

Pehē a Ioane ko e Papatiso, ko Iesu ka “uta kehe e hala he lalolagi.” (Ioane 1:29) Kua hagaao e mena nei ke he gahua ha Iesu ke fakahao e tau tagata omaoma.

Ka ko e ha ne lata ke mate a Iesu ke fakahao e tau tagata agahala?

Ko e heigoa kua moua e ia ha kua makai ke foaki noa haana moui?

Aoga ki a hai e mate haana?

Ko e heigoa e kakano ki a koe?

He tau tau takitaha, ko e Tau Fakamoli a Iehova kua fakapotopoto ke fakamanatu e mate ha Iesu ke he fakamanatuaga. Ko e tau nei to hoko e fakamanatuaga he Aho Tapu, Aperila 17, ka to e laā.

Ko e uiina mafanatia he Tau Fakamoli a Iehova ki a koe ke feleveia fakalataha mo lautolu ke kumikumi e kakano uho he mate a Iesu. Ko e tau tali mai he Tohi Tapu ke he tau hūhū i luga ka kumikumi ki ai.

Maeke ia koe ke fina atu ke he matakavi ne tata lahi ke he kaina haau. Fakamolemole fakakia ke he Tau Fakamoli a Iehova he matakavi ma e tulā mo e matakavi tonu.