Ma e Tau Fuata Ikiiki

Lalago e Tapuakiaga Mooli!

Tau Fakaakoaga: Taute e matagahua nei he mena ogoogonoa. He totou e koe e tau kupu tohi, manamanatu ko koe a ia he mena ne tupu. Manamanatu ke he takatakaiaga. Fanogonogo ke he tau leo. Mailoga e tau logonaaga he tau tagata i loto he tala. Kia taute e tala ko e mena tupu mooli.

Tau tagata pauaki he tala: Ko Elia, Ahapo, mo e falu 450 e perofeta ha Paala

Fakatōtōaga: Ne fakakite e Elia kua mua hake a Iehova ki a Paala.

1 MANAMANATU KE HE TAKATAKAIAGA.—TOTOU 1 TAU PATUIKI 18:17-40.

He taha laupepa kehe, tā e fakatino ke fakakite e manatu haau ke he matutakiaga ha Elia, tau perofeta ha Paala, mo e tau fatapoa.

Ko e heigoa e tau leo ne “logona” e koe ke he mena ne tupu hohā ne fakamaama he kupu 26 ke he 29?

․․․․․

Ko e heigoa e tau logonaaga ne liga mailoga e koe ke he leo ha Elia he vagahau a ia ke he tau perofeta ha Paala?

․․․․․

2 KUMIKUMI FAKAHOKULO.

Ko e ha kua lata e loto malolō he vala ha Elia ke finatu ki a Ahapo mo e matutaki atu ke taute e kamatamata ka fakatokolalo aki e tau perofeta tokologa ha Paala? (Tali: Totou 1 Tau Patuiki 18:4, 13, 14.)

․․․․․

He fakaaoga e tau tohi kumikumi ne ha ha ia koe, kumi hagaao ke he tapuakiaga Paala. Ma e fakatai, ko e heigoa e tau gahua ne putoia ai? Ko e heigoa e lauiaaga he tapuakiaga Paala ki a Isaraela?

․․․․․

Ko e ha he manatu haau ne keli viko e Elia e luo he fatapoa ha Iehova ti fakapuke aki e vai?

․․․․․

3 FAKAGAHUA E MENA NE AKO E KOE. TOHI HIFO E MENA HAAU NE AKO HAGAAO KE HE . . .

Loto malolō ne lata ke lalago e tapuakiaga mooli.

․․․․․

Tau fua mitaki ka moua e lautolu ne fakakite e loto malolō pihia.

․․․․․

FALU PUHALA KE FAKAGAHUA AI.

He (tau) faahi fe he moui ka fakakite e koe e loto malolō lahi he lalago e tapuakiaga mooli?

․․․․․

4 KO E HEIGOA HE TALA NEI NE KAKANO LAHI KI A KOE, TI KO E HA?

․․․․․

Totou falu tohi ne Fakavē ke he Tohi Tapu he komopiuta he www.watchtower.org

[Puha he lau 31]

Vala Tala ma e Fonoaga he Faahimotu

Kamata he tau nei, ko e tau aho mo e tau matakavi he tau fonoaga he faahimotu he tau tau takitaha to nakai liu tū he Ko e Kolo Toko. To moua e vala tala ke he faahi Web jw.org.