TAU HŪHŪ TOHI TAPU KUA TALI
Fai amaamanakiaga nakai ma lautolu ne mamate?
Ko e mate kua tuga e mohe ha ko lautolu kua mamate kua nakai iloa ha mena ti nakai maeke ke taute foki ha mena. Ka kua maeke e Tufuga he moui ke liuaki mai a lautolu kua mamate he puhala he fakaliu tu mai. Ke fakamooli e mena ia, ne age he Atua ki a Iesu e malolō ke fakaliu tu mai e falu tagata ne mamate.—Totou Fakamatalaaga 9:5; Ioane 11:11, 43, 44.
Puhala fe kua tuga e mohe e mate?
Ne mavehe mai e Atua ko lautolu oti ne mamate kua manatu e ia, to fakaliu tu mai a lautolu ke momoui ke he lalolagi foou tututonu. Ko lautolu ka fakaliu tu mai kua tumau ni he tuaga ia he mate ato liu e Atua ke age e moui ma lautolu. Kua finagalo fakaalofa e Atua Malolō Ue Atu ke fakaaoga e malolō haana ke liuaki age e moui ma lautolu ne mamate.—Totou Iopu 14:14, 15.
To fēfē e liu tu mai?
Ka fakaliu tu mai he Atua e tau tagata, to maeke a lautolu ke mailoga a lautolu ni, tau kapitiga, mo e tau magafaoa ha lautolu. Pete kua popo e tino he tagata, maeke e Atua ke fakaliu tu mai e tagata ia ke he tino foou.—Totou 1 Korinito 15:35, 38.
Ko e falu tagata ni kua fakaliu tu mai ke he moui i luga he lagi. (Fakakiteaga 20:6) Laulahi ia lautolu ka fakaliu tu mai to liliu ke momoui he parataiso he lalolagi. To moua e lautolu nei e kamataaga foou, mo e amaamanaki ke momoui tukulagi.—Totou Salamo 37:29; Gahua 24:15.