Ko e Heigoa ne Talahau he Tohi Tapu?

Fai higoa nakai e Atua?

PEHĒ E FALU TAGATA nakai fai higoa a ia, ka e pehē e falu ko e Atua po ke Iki, mo e pehē e falu na loga atu foki e tau higoa haana. Fēfē e manatu haau?

TALAHAU HE TOHI TAPU

“Ko e hāu a higoa ko Iehova, hoko koe ni kua Mua ue atu ke he lalolagi oti.”​—Salamo 83:18.

KO E HEIGOA FOKI HA TAUTOLU KA FAKAAKO MAI HE TOHI TAPU?

• Pete kua loga e matahigoa he Atua, ka e pehē a ia kua taha ni e higoa haana.​—Esoto 3:15.

• Nakai fakagalogalo e Atua; manako a ia ke iloa e tautolu a ia.​—Gahua 17:27.

• He iloa e higoa he Atua, ko e lakaaga fakamua a ia ke kapitiga mo Ia.​—Iakopo 4:8.

Hepe kia ke fakaleo e higoa he Atua?

KO E HEIGOA HAAU KA TALAHAU?

• E

• Nakai

• Liga

TALAHAU HE TOHI TAPU

“Aua neke totoku teao e higoa a Iehova hau a Atua.” (Esoto 20:7) Hepe ni he magaaho ka fakaaoga e higoa he Atua mo e nakai fakalilifu.​—Ieremia 29:9.

KO E HEIGOA FOKI HA TAUTOLU KA FAKAAKO MAI HE TOHI TAPU?

• Iloa mo e fakaaoga e Iesu e higoa he Atua.​—Ioane 17:25, 26.

• Uiina he Atua a tautolu ke fakaaoga e higoa haana.​—Salamo 105:1.

• Lali e tau fī he Atua ke fakanimo he tau tagata e higoa haana.​—Ieremia 23:27.