Tau Fakailoaaga
◼ Tau tohi foaki ma Ianuari: Ko e ha tohi lau-192 ne tohia ato hoko e 1985 kaeke kua fai e fakapotopotoaga. Ko e tau tohi kua liu fai foki ke he La kia kikite ke he Fakailoaaga ia Oketopa 1997 Ha Tautolu a Fekafekauaga he Kautu. Ke hukui aki kua fakaata ke foaki e You Can Live Forever in Paradise on Earth. Fepuari: Ko e Kupu Mooli ke Takitaki Atu ai ke he Moui Tukulagi. Mati: Iloilo ne Takitaki Atu ke he Moui Tukulagi. Kia lali ke kamata e tau fakaakoaga Tohi Tapu. Aperila: Tau lagaki takitaha he The Watchtower mo e Awake!
◼ To tufa ke he tau tagata fakailoa papatiso oti ne ha ha he Feleveiaaga Fekafekau he fahitapu ia Ianuari 26 e lau Advance Medical Directive/Release mo e Identity Card ma e fanau ha lautolu.
◼ Kamata ia Mati, ko e lauga fou ma e tau leveki takaiaga ko e “Tatai Nakai Hau a Onoonoaga mo e Atua ke he Moui?” (“Do You Share God’s View of Life?”)
◼ Kia tauteute he tau fakapotopotoaga e tau fakaholoaga ke fakamanatu e Fakamanatuaga he tau nei he Aho Faiumu, Aperila 11, he mole e to la. Pete ni he kamata tuai e lauga, ko e fakaolo fano he tau fakataiaga he Fakamanatuaga kia nakai kamata ato mole e to la. Kia kumikumi atu ke he falu fakailoaaga ke kitia ko e mogo fe ka to e la he kavi hau. Pete kua mitaki ke igatia e fakapotopotoaga ke taute ni ha lautolu a Fakamanatuaga, nakai ko e mena fa mukamuka anei. He Fale he Kautu ne loga e fakapotopotoaga ne fa fakaaoga ai, liga lata taha po ke falu foki he tau fakapotopotoaga ke kumi taha fale toloaga ke fakaaoga ma e afiafi ia. Kia nakai kamata mule e Fakamanatuaga neke nakai maeke he tau tagata fiafia fou ke o mai. Po kia nakai pikitia lahi e setulu ti nakai fai magaaho, he kamataaga po ke he fakaotiaga he fakamanatuaga, ke fakafeleveia a lautolu ne o mai, taute e tau fakatokaaga ke fakaholo atu e lagomatai fakaagaga ki a lautolu ne fiafia mai, po ke ke olioli ke he feutaaki he fakamafanaaga. He mole e onoono fakahokulo ke he tau fakaholoaga oti, kia fifili he tau motua e tau fakatokaaga kua mitaki ke lagomatai aki a lautolu ne o mai ke he Fakamanatuaga ke moua e aoga katoa mai he magaaho ia.
◼ To kamata e lauga pauaki ma e vaha he Fakamanatuaga he 1998 he Aho Tapu, Mati 29. To foaki atu e fakatokaaga. Ko e tau fakapotopotoaga ne ha ha ai e leveki takaiaga, e toloaga he takaiaga, po ke aho toloaga pauaki he matahiku he fahi tapu ia to taute e lauga pauaki he tapu hake. Kia nakai fai fakapotopotoaga ke kamata e lauga pauaki ato hoko a Mati 29, 1998.
◼ Kia mailoga he tau motua e lata he tau hikihikiaga na i lalo he mogo ka o atu e fakapotopotoaga ke he tau toloaga he kavi ia ni: Ka hoko e fakaholoaga he aho toloaga pauaki, kia taute he fakapotopotoaga e tau feleveiaaga tuga fa mahani he fahi tapu, ka ko e Feleveiaaga ma e Tau Tagata mo e fakaakoaga he Kolo Toko hokoia ne auhia. Ka hoko ke o ke he toloaga he takaiaga, to fakaauhia foki he fakapotopotoaga e Aoga Fekafekau Fakateokarasi mo e Feleveiaaga Fekafekau; ko e Fakaakoaga Tohi he Fakapotopotoaga hokoia ka fakahoko he tapu ia.
◼ He kamataaga he fahi tapu ia Me 4, 1998, mo e holo atu ke he fahi tapu ia Sepetema 14, 1998, to fakaaoga ai e The Bible—God’s Word or Man’s? he Fakaakoaga Tohi he Fakapotopotoaga.
◼ Kua mau tuai e Watchtower Publications List fou mo e kua fakafano ke he tau fakapotopotoaga takitaha. Fakamolemole kikite e Publications List ma e tau tohi fou ne moua.
◼ Tau Tohi Fou kua Moua:
Faka-Samoa: How Can Blood Save Your Life?
A Book for All People—Alapania, Amahara, Arapi, Italia, Ukarani, Fiti, Falani, Hiniti, Holani, Hugari, Korea, Koroatia, Kutarati, Laotia, Latevia, Lifuania, Maketonia, Nepali, Noue, Peresia, Peritania, Polani, Punatapi, Pulagaria, Romania, Rusia, Saina, Saina Fakamukamuka, Sapani, Sekolovakia, Sepuano, Serepia, Sihamani, Sinihala, Tailani, Takaloko, Tavili, Tikirinia, Vieteneme.